Хантараагынан сулууспа биир кэлим киинигэр

Бүгүн, муус устар 19 күнүгэр,  Дьокуускай куорат «Абырал» санаторийын баазатыгар тэриллибит хантараагынан байыаннай сулууспаҕа барааччыларга анаан биир кэлим киин үлэтин-хамнаһын билсэ сырыттыбыт.

Бу туһунан хантараагынан байыаннай сулууспаҕа сүүмэрдиир инструктор, старшай прапорщик Алексей Колесов иһитиннэрдэ:

— Биир кэлим кииммит үлэтин-хамнаһын билиһиннэрэр буоллахха,  үлэлээбиппит ый кэриҥэ буолла. Хантараагынан сулууспаҕа барааччылар бастатан туран, ыраах улуустан кэлбит буоллахтарына, военкомакка тиийэллэр. Онно тиийэн хантараагынан барыахтарын баҕаралларын этэн баран, биһиги кииммитигэр кэлэн доруобуйаларын көрдөрүнэллэр. Бэлиэтээн эттэххэ, хантараагынан сулууспа болдьоҕо биир сылтан саҕаланар. Онтон уһуон сөп.  Ый устата уопсайа 80 киһи биһиги кииммитигэр кэлэн суруттарда. Кииммитигэр  40 куойка миэстэлээхпит.  Күҥҥэ түөртэ аһатабыт.  Сорохтор доробуйаларынан сыыйыллаллар. Сүүмэрдэнии биир-икки күн устата ыытыллар. Ол кэнниттэн хаһан сулууспаҕа барыахтарыгар диэри манна олороллор. Олоруу, аһылык барыта босхо. Ону сэргэ ыспыраапка, докумуон эккирэтиһэн онно-манна сүүрэр-көтөр наадата суох, барыта манна, биир сиргэ оҥоһуллар. Манна сүүмэрдэммит дьоммутун «Боотур» бэлэмниир кииҥҥэ ыытабыт. Онно кинилэр бойобуой дьайыыга бэлэмнэниини ааһаллар