Салгыы
Хантараагынан сулууспа хас саастан көҥүллэнэрий?

Хантараагынан сулууспа хас саастан көҥүллэнэрий?

19.04.2023, 19:30
Ульяна Захарова хаартыскаҕа түһэриитэ
Бөлөххө киир:

Хантараагынан сулууспаҕа 18-тан 59  диэри саастаах дьон сулууспалыы барыахтарын сөп, биир эмит түгэҥҥэ 65 саастарыгар диэри дьон хапсыан сөп. Бу туһунан бүгүн, муус устар 19 күнүгэр, Дьокуускай куоракка хантараагынан сулууспалааччылары сүүмэрдиир пуун инструктора, сержант Артем Бикмаев брифинг кэмигэр иһитиннэрдэ. 

Кини хантараагынан сулууспалыан баҕалаахтар тоҕус кылаастан кырата суох үөрэхтээх уонна байыаннай сулууспаҕа «А» эбэтэр «Б» категориялаах буолуохтаахтарын чопчулаан эттэ.

Хантараагынан сулууспалааччыларга төлөбүр суумата бүгүҥҥү күҥҥэ 204 тыһыынча солкуобайга тэҥнэһэр. Ону сэргэ, байыаннай сулууспаҕа хантараагынан барааччыга биирдэ бэриллэр өрөспүүбүлүкэтээҕи уонна федеральнай төлөбүрдэр баалларын иһитиннэрдэ. Ол курдук, федеральнай төлөбүр — 195 тыһыынча солкуобайга тэҥнэһэр. Бу төлөбүрү биир сылтан кырата суох сулууспаҕа хантараак түһэрсибит  киһи  ылар. Өрөспүүбүлүкэтээҕи төлөбүр бүгүҥҥү күҥҥэ 150 тыһыынча солкуобайга тэҥнэһэр. Байыаннай сулууспаҕа барар  киһи бу төлөбүрү ылар, маны сэргэ байыаннай сулууспалаах дьиэ кэргэнигэр 200 тыһыынча солкуобай көрүллэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: