Хаартыска: Ил Дархан уонна СӨ Бырабыыталыстыбатын пресс-сулууспата
Хантараагынан байыаннай сулууспаҕа барыан баҕалаах дьон ахсаана элбэҕинэн сибээстээн, «Абырал» санаторийга куойка-миэстэни элбэтэр боппуруос көрүллүөҕэ.
Бу туһунан санаторий кылаабынай бырааһа Алена Иванова брифиҥҥэ иһитиннэрдэ.
Хантараагынан сулууспалыан баҕалаах дьон “Абырал” санаторийга тиийэн доруобуйаларын көрдөрүнэллэр. Онтон 8-10%-ра сыыйыллаллар эбит. Куорат санаторийын салайааччыта Алена Иванова иһитиннэрбитинэн, хандьыдааттар орто саастара — 35-40 саас. 75 %-ра орто анал уонна үрдүк үөрэхтээхтэр. Үгүстэрэ оҕолоро улааппыттар. Кэргэттэрэ эрдэрэ хантараагынан сулууспалыы баралларын утарсыбаттар. Бастакы хантараагы баттаспыт дьон улахан аҥаара болдьохторун уһатаары гыналлар.
“Хантараагынан байыаннай сулууспаҕа барыан баҕалаах дьон ахсаана элбээбитинэн, “Абыралга” куойка-миэстэ ахсаанын элбэтээри гынабыт”, — диэн кылаабынай быраас Алена Иванова брифиҥҥэ бэлиэтээтэ.
Байыаннай сулууспаҕа хантараагынан барааччылары сүүмэрдиир кэлим киин сарсыарда 9:00 чааастан киэһэ 18:00 чааска диэри үлэлиир.
«Абырал» санаторий аадырыһа: Дьокуускай куорат, Сэргэлээх шоссета 11 км, 1-кы куорпус. Билсэр төлөпүөн: +7 (4112) 32-10-40. “Абырал” санаторийга диэри 7 №-дээх оптуобус сылдьар.
Бу туһунан Ил Дархан уонна СӨ Бырабыыталастыбатын пресс-сулууспата иһитиннэрдэ.
Үөһээ Бүлүү улууһун Баҕадьа сэлиэнньэтигэр оскуола-саад үлэҕэ киирдэ. Бүгүн өрөспүүбүлүкэ үрдүнэн тоҕус социальнай эбийиэк аһылынна.…
Үрдүк үөрэхтэргэ уонна кэллиэстэргэ Биир кэлим эксээмэни туттарбакка үөрэххэ киирии туһунан сокуон барылын дьокутааттар бөлөхтөрө…
Амма улууһун Михайловка сэлиэнньэтигэр Норуот айымньытын дьиэтэ үөрүүлээх быһыыга-майгыга аһылынна. Бүгүн өрөспүүбүлүкэ үрдүнэн тоҕус социальнай…
Ленскэй оройуонунааҕы ИДьМ дьуһуурунай чааһыгар маркетплейс бэрэстэбиитэлиттэн сайабылыанньа киирбит. Инвентаризация кэмигэр табаары биэрэр пуунтан 300…
Оҕуруоту, сибэккини олордууга сүбэлэр Сүрүннээн тохсунньуттан үүнээйини олордуу саҕаланар. Арктикатааҕы судаарыстыбаннай агротехнологическай университет ойуур комплексыгар…
Дьокуускайдааҕы ИДьМ салаатыгар дьахтар балыыһаҕа сылдьан тас таҥаһын уордарбытын туһунан иһитиннэрбит. Бу туһунан СӨ ИДьМ…