Хаартыска: Ил Дархан уонна Бырабыыталыстыба дьаһалтатын пресс-сулууспата.
Дьокуускай куоракка тэриллибит байыаннай эпэрээссийэҕэ сулууспалыан баҕалаахтары сүүмэрдиир Биир кэлим кииҥҥэ 40 куойка тэниппиттэр. Хантараагынан сулууспалыан баҕалаахтар ахсааннара элбээн иһэр. Ол туһунан бүгүн брифиҥҥэ «Абырал» санаторий кылаабынай бырааһа Алена Иванова иһитиннэрдэ.
Быраас бэлиэтээбитинэн, хандьыдааттар сүүмэрдээһин кэмигэр олороллоругар туох баар усулуобуйа барыта тэриллибит. Кинилэр манна терапевт, лор, невролог, хирург, окулист курдук биэс бырааһы ааһаллар, анаалыстары туттараллар, ФЛГ түһэллэр. Сүүмэрдиир үлэ сарсыарда 9-тан киэһэ 6 чааска диэри барар. Мэдиссиинэ өттүнэн көрүүнү 1-2 күнүнэн бүтэрэллэр. Бу үлэ барыта Доруобуйа харыстабылын министиэристибэтин тэрээһининэн ыытыллар.
«Хантараагынан сулууспа ирдэбилэ үрдээтэ. Пууҥҥа байыаннай инструктордар докумуон үлэтин барытын оҥороллор. Мэдиссинскэй чинчийии кэниттэн, хандьыдаат доруобуйатынан сулууспаҕа сөп түбэһэр буоллаҕына, бирикээс таһааран РФ байыаннай чаастарыгар ыыталлар. Сулууспаҕа барыахтарыгар диэри кинилэр Биир кэлим кииҥҥэ олороллор. Бэлиэтээн этэххэ, бүгүн пуун үлэтэ сааһаланна. Үөскээбит боппуруостары барытын байыаннай уонна медэссиинскэй үлэһиттэр миэстэтигэр быһаараллар», — диэн Алена Иванова эттэ.
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…