Хантараак түһэрсибит байыаннай сулууспалаахтар 1 мөл. солк. тахса төлөбүрү ылыахтарын сөп

Дьокуускайга РФ Оборуона министиэристибэтин кытта хантараак түһэрсибит байыаннай сулууспалаахтар 1 мөлүйүөн 400 тыһыынча солкуобайы ылыахтарын сөп.

Маннык суумалаах харчы дойду, эрэгийиэн уонна муниципальнай тэриллии уопсай төлөбүрдэриттэн олохтонно. Бу туһунан Дьокуускайдааҕы хантараагынан байыаннай сулууспаҕа сүүмэрдиир пуунугар иһитиннэрдилэр. Байыаннай сулууспаҕа сүүмэрдиир пуун сержана Максим Парфенюк иһитиннэрбитинэн, Оборуона министиэристибэтиттэн 400 тыһ. солк., Саха сириттэн —  900 тыһ. солк. куорат уокуругуттан — 100 тыһ. солк. бэриллэр.

Санатан эттэххэ, Саха сиригэр хантараагынан сулууспалааччыларга эрэгийиэннээҕи төлөбүр бу сыл атырдьах ыйын 31 күнүттэн 900 тыһ. солк. диэри үрдэтиллибитэ. Бу туһунан Ыйаахха Ил Дархан Айсен Николаев илии баттаабыта.

Хантараагынан  байыаннай сулууспаҕа сүүмэрдиир пуун Дьокуускай куорат Чепалов уулуссата, 23 аадырыска үлэлиир. Үлэлиир эрэһиимэ сарсыарда 09:00 чаастан киэһэ 18:00 чааска диэри, өрөбүлэ суох. Ону тэҥэ төлөпүөнүнэн билсиэххитин сөп: (4112) 32-10-40 эбэтэр +7 (924) 166-13-93