Хантараак түһэрсибит байыастарга төлөбүр үрдэтиллибит сууманан төлөнүөҕэ

Сулууспадыыр сирдэринэн хантараагы түһэрсибит мобилизациянан ыҥырыллыбыт байыаннай сулууспалаахтарга да,  быстах сулууспалаахтарга да харчынан төлөбүр улааппыт кээйэминэн  төлөнүөҕэ.

Бу туһунан Дьокуускайдааҕы хантараагынан байыаннай  сулууспаҕа сүүмэрдиир пууҥҥа иһитиннэрдилэр. «Саха сиригэр байыаннай сулууспаҕа хантараак түһэрсибиттэргэ эрэгийиэннээҕи төлөбүр 900 тыһыынча солкуобайга диэри үрдээбитэ. Ил Дархан Айсен Николаев атырдьах ыйын 31 күнүгэр туһааннаах Ыйаахха илии баттаабыта. Төлөбүр Дьокуускайдааҕы хантараагынан байыаннай  сулууспаҕа сүүмэрдиир пууҥҥа хантараагы түһэрсибит дьоҥҥо бэриллэр», — диэн Дьокуускайдааҕы хантараагынан байыаннай  сулууспаҕа сүүмэрдиир пуун инструктора, иккис ыстатыйа старшината Данил Мурашев иһитиннэрдэ. Кини итини сэргэ сэрии чаастарынан хантараак түһэрсэр түбэлтэтигэр Оборуона министиэристибэтин даннайдарыгар олоҕуран төлөбүр оҥоһуллуо диэтэ.

Онон Саха сиригэр РФ Оборуонатын министиэристибэтин кытта хантараак түһэрсиигэ федеральнай, эрэгийиэннээҕи уонна муниципальнай бүддьүөттэн үп-харчы уопсай кээмэйэ 1,4 мөл. солк. буолуо. Хантараагынан байыаннай сулууспаҕа сүүмэрдиир пуун Дьокуускай к.,Чепалов уулуссата, 23 аадырыска баар. Үлэлиир кэмэ: 9:00-18:00 ч. өрөбүлэ суох үлэлиир. Ону сэргэ 8 (4112) 32-10-40 эбэтэр 8 (924) 166-13-93 төл.  консультацияны ылыахха сөп.