Хаартысканы И.Неустроев ыытта.
Аҕыйах хонуктааҕыта Майа сэл. олохтооҕо, “СӨ ОДьКХ” ГУП Мэҥэ Хаҥаластааҕы филиалын тутаах үлэһитэ Иннокентий Неустроев тыаҕа тахса сылдьан, илии тутуурдаах, өттүк харалаах төнүннэ. Киниэхэ Байанайа саһылы мичик гынна.
– Быйыл хаар чараас буолан, хапкаанныыр олус ыарахан буолла. Хапкааны салапааҥҥа уган, чараас хаар анныгар иитэҕин. Оччоҕо үчүгэйдик эстэр, тута хабар. Оттон хапкаан үрдүгэр салпыакка ууран тэлгээтэххэ, тоҥон хаалар, эстибэт. Быһата, хаар хапкааҥҥа сыстан, хаар иһигэр тоҥон хаалар. Мууһуран, көмүрүө буолар. Оччоҕо саһыл үктээтэҕинэ даҕаны эстибэт. Ити салапааннаатахха тоҥмотун биллим. Оннук иитэн хаптардым. Быйыл хапкаанынан бастакы саһылым, бу иннинэ ытан ылбытым. Салапааннаан баран хаар анныгар саһыл суолугар көмөбүн, – диир байанайдаах булчут уопутун туһунан.
Саһыл булчут хапкаанын соһон, тыаҕа 200 миэтэрэҕэ илдьэ барбыт, ону суолун ирдээн, нэһиилэ булбут. Киһи соһуйуох, уйатыгар илдьэ киирбит эбит.
– Иннокентий, хапкааҥҥын ол бытатыттан хайдах ороотуҥ?
– Син өр тардыалаһан, тимир катанка боробулуоханан соһон таһаардым.
– Бытата дириҥ дуу?
– Кырдьык, дириҥ баҕайы эбит. Саһылым 2 м курдук иһирдьэ саспыт этэ. Өссө түгэҕэ биллибэт. Онно өссө биир харах уота умайара. Саһылым иһирдьэ иҥнэн олорор этэ. Онон уйаҕа аан бастаан итинник бултаатым. Урут манныкка түбэһэ илигим. Саатар, бултуом иннинээҕи күҥҥэ хаар бөҕө түспүт этэ. Кэргэмминиин иккиэн сонордостубут.
Бу нэдиэлэ харчыны ааҕарга, докумуону бэрээдэктииргэ уонна чуолкай былааны оҥосторго табыгастаах кэм. Венера, баай-дуол планетата,…
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…