Ульяна Захарова хаартыскаҕа түһэриитэ
Бүгүн, муус устар 23 күнүгэр, медиа-кииҥҥэ Хапкидо уонна Фиджитал федерациялара сөбүлэҥ түһэристилэр. Ол курдук сөбүлэҥ түһэрсиигэ Фиджитал уонна Хапкидо федерацияларын бэрэссэдээтэллэрэ Виктор Колесов уонна Юрий Гаврильев кыттыыны ыллылар. Бэлиэтээн суруйдахха, бу икки федерациялар Саха сиригэр соторутааҕыта тэриллибит федерациялар буолаллар.
Ол курдук Хапкидо успуорт көрүҥүн туһунан Хапкидо түмсүүтүн салайааччыта Виктор Джамаханович Колесов сиһилии сырдатта:
-Бу успуорт көрүҥэ бойобуой, тхэквондо көрүҥэр майгынныыр успуорт көрүҥэ буолар . Уһук Илиҥҥи уокурукка Хапкидо федерацията биһиги өрөспүүбүлүкэбитигэр, Приморьеҕа уонна ЕАУо, Хабаровскай кыраайга баар. Дойду үрдүнэн 40 федерация тэриллэн үлэлиир. Соторутааҕыта биһиги Фиджитал федерациятын кытта кыттыгас бастакы тэрээһиммитин ыыппыппыт. Манна оскуола оҕолоро кыттыбыттара. Онон инникитин ылбыт уопуппутунан күрэхтэһиилэри ыытар былааннаахпыт.
Салгыы Фиджитал федерациятын бэрэсидьиэнэ Юрий Гаврильев санаатын үллэһиннэ:
— Мин Фиджитал успуорт көрүҥүн федерациятын бэрэсидьиэнэ буолабын. Хапкидо курдук эмиэ эдэр федерация буолар. Аҕыйах сыллааҕыта успуорт министиэристибэтин көҕүлээһининэн тэриллибитэ. Билигин киэҥник сайдан эрэбит. Дойду үрдүнэн эрэгийиэннэргэ федерациялар тэриллэн үлэлээн эрэллэр. Быһаччы эттэххэ, цифровой уонна үгэс быһыытынан дьарыктанар успуорт көрүҥэ буолар. Цифровой көрүҥэ видео оонньуулартан турар. Двоеборье диэн араас успуорт көрүҥэр, оонньуу көрүҥнээх успуорт көрүҥэр эмиэ киирсэр. Иккис сылбытын үлэлиибит. Улахан күрэхтэһиилэри улуустарга, киин куораппытыгар тэрийбиппит. Виктор Джамаханович бэлиэтээбитин курдук улахан күрэхтэһиини ыыппыппыт. Онтон сиэттэрэн кытыбыт, көрбүт дьон сэҥээрбиттэрин, астыммыттарын иһин икки федерация бииргэ үлэлэһии туһунан сөбүлэҥ түһэрсэргэ быһаарыммыппыт. Сүрүн сорукпут оҕолору, ыччаты хабыы буолар. Фиджитал сүрүн соруга — оҕолору, ыччаты патриотическай иитиигэ туһуланар.
Онон икки федерация салгыы бииргэ үлэлэһии, успуор көрүҥүн сайыннарыыга сөбүлэҥ түһэристилэр.
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…
Дьокуускай киинигэр массыына дьиэ эркинигэр курдат саахаламмыт курдук оҥоһуллубут арт-эбийиэги көтүрдүлэр. Инсталляция Ленин проспегар турар…
Субуотаттан, от ыйын 12 күнүттэн саҕалаан, Саха сиригэр нэдиэлэ устата магнитнай буурҕа саҕаланыа. Мөлтөөһүн аныгыскы…
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…