Ангелина Васильева түһэриитэ.
«Симэх» норуот уус-уран айымньытын киинин иһинэн Үрдүк уус-уран оҥоһук пуондата (Фонд эталонных изделий) тэриллибитэ. Манна 360-тан тахса мас, муос, туос, туой, кыл, тимир оҥоһуктар бааллар. Балаҕан ыйын 25 күнүгэр норуот маастардарыгар оҥоһуктарын пуондаҕа ылалларын туһунан туоһу суругу туттарыы сиэрэ-туома буолбута.
Саамай сыаналаах оҥоһугунан хаппахчы туос сирэйэ буолбута. Бу оҥоһугу 1,3 мөлүйүөн солкуобайга бырабыыталыстыба атыылаһан, маастар Николай Ефимовка сэртипикээтин туттардылар.
Норуодунай уус-уран оҥоһук маастара Николай Ефимов Абыйтан төрүттээх, тутааччы-инженер идэлээх, туоһунан дьарыктаммыта 5 сыл буолбут. Туоһун бэйэтэ бэлэмниир. Кини Борис Неустроев-Мандар Уус кинигэтигэр хаппахчы ойуутун көрөн баран, туох баар былыргы ирдэбиллэрин, кээмэйдэрин тутуһан, 6 ыйтан ордук кэмҥэ сарсыардаттан киэһээҥҥэ диэри үлэлээн, оҥорбут. Манна кэргэнэ көмөлөспүт.
Хаппахчы сирэйэ сүүстээх, икки иэдэстэрдээх уонна ааннаах, ол эбэтэр, түөрт чаастан турар. Аан ис-тас өттө уран оһуорунан, алтан чуорааннарынан киэргэтиллибит, эргиттэххэ, ис өттө эмиэ ойуулаах. Оҥоһук туостан, кылтан, сиэлтэн, оҕуруоттан, иҥииртэн, сүлүүдэттэн, барыта айылҕа матырыйаалыттан оҥоһуллубут.
Бу ойуутун-мандарын барытын иҥиир сабынан уонна кылынан тикпит. Сүрдээх кэрэ, сиэдэрэй көстүүлээх. Ол да иһин «үрдүк уус-уран оҥоһук» (эталонное изделие) диэн ааттанан, талыллан, үйэ-саас тухары судаарыстыба хараллыытыгар киирдэҕэ. Кэнэҕэһин да үүнэр көлүөнэ дьон «сахалар дьиэлэрин-уоттарын маннык ураннык киэргэтэр этилэр» диэн көрө-истэ сылдьыахтара турдаҕа.
— Мин өбүгэлэрбит үөрүйэхтэрэ, сатабыллара сүтүө суохтаах дии саныыбын. Ол иһин бэйэм тугу сатыырбын дьоҥҥо тиэрдэбин, үөрэтэбин. Маастар-кылаастары ыытабын, 200-тэн тахса киһини үөрэттим. Онлайн-көрүҥүнэн маастар-кылаастары эмиэ ыытабын. Туос иһити тигэргэ үөрэтэбин. Кэнники кэмҥэ өрөспүүбүлүкэ салалтата норуот уус-уран оҥоһуктарын эйгэтин, маастардары өйүүрүн биһириибин, — диэн кини этэр.
Санатар буоллахха, Саха сиригэр 294 киһи «СӨ норуотун маастара», 670 киһи «СӨ норуодунай уус-уран оҥоһугун маастара» ааты сүгэллэр. 57 урбаанньыт, 82 бэйэ дьарыктаах дьон, 113 маастардар түмсүүлэрэ үлэлииллэр.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…