Хапсаҕай абсолютнай чөмпүйүөнүгэр — массыына

Кэлэр нэдиэлэҕэ Таатта улууһугар ыытыллар XXII Манчаары оонньууларыгар хапсаҕай муҥутуур кыайыылааҕа   Niva Legend массыынанан наҕараадаланыаҕа. Бу туһунан ЯСИА суруйар.

Бирииһи хапсаҕай федерацията туруорбут.

«Биһиги бу сылга хапсаҕайга сүрүн бирииһи  Niva Legend  массыынаны туруордубут. Бу хапсаҕай федерациятын бэрэсидьиэнин  Николай Румянцев, вице-бэрэсидьиэн Андрей Кузьмин, Прокопий  Рахлеев уонна  Дмитрий Петров итиэннэ  «Колми», «999», «Төлөн», «Сахаспецмонтаж-95» тэрилтэ ааттарыттан туттарыллар», —  диэн  ЯСИА-ҕа Николай Румянцев иһитиннэрбит.