Хапсаҕайга аан дойдутааҕы бастакы чөмпүйэнээтэ түмүктэннэ

Кыргызтан өрөспүүбүлүкэтигэр Бишкек куоракка хапсаҕайга аан дойдутааҕы  бастакы чөмпүйэнээтин муҥутуур кыайыылааҕынан 75 кг үөһэ ыйааһыннаахтарга Амгаланбаатар Нямсурэн буолла. Кини монголлар төрүт тустууларын күрэхтэһиилэригэр хаста да бастаабыта биллэр.

Турнирга 34 спортсмен кытынна. Ол курдук, атырдьах ыйын 23 күнүгэр Бишкек куоракка курэш күрэхтэһиигэ аан дойду иккис чөмпүйэнээтин үрүҥ көмүс призера Амгаланбаатар Нямсурэн хапсаҕайга аан дойдутааҕы  бастакы чөмпүйэнээтин күрэҕэр чөмпүйүөннээтэ. Кыргызстан бөҕөһө финалга  Дьулустаан Калачеву кыайда. Монголия спортсменыгар 3000 доллары, саха ювелир маастардара оҥорбут бриллианнаах куру уонна батыйаны  туттардылар. Алта ыйааһыҥҥа чөмпүйүөннэргэ 500-түү доллары, вице-чөмпүйүөннэргэ -300-түү доллары, боруонса призердарыгар — 200 доллары биэрдилэр.

Күрэх түмүгэ маннык буолла:

85 кг ыйааһыннаахтарга диэри:
1. Роман Николаев (Саха сирэ-Арассыыйа)
2. Константин Власов (Саха сирэ-Арассыыйа)
3. Аян Петров (Сах асирэ-Арассыыйа)
3. Михаил Болганов (Хакассия-Арассыыйа).

95 кг ыйааһыннаахтарга диэри::
1. Николай Николаев (Саха-Россия)
2. Максим Толмачев (Саха-Россия)
3. Дьулустан Калачев (Саха-Россия)
3. Артыш Ооржак (Тыва-Россия).

95 кг үөһэ ыйааһыннаахтарга:
1. Никита Хабаров (Саха сирэ-Арассыыйа)
2. Даниил Иванов (Саха сирэ-Арассыыйа)
3. Аюр Нимаев (Бурятия-Арассыыйа)
3. Самдан-Демир Хайа (Тыва-Арассыыйа).