Хапсаҕайга «Манчаары оонньууларын» муҥутуур кыайыылааҕар массыына бэлэх туттарыллыа

Хапсаҕайга күрэхтэһии от ыйын 10–11 күннэригэр А.Е.Турнин аатынан күрэс уораҕайыгар буола турар.

Бу XXII «Манчаары оонньууларын» хапсаҕайга муҥутуур кыайыылааҕар Niva Legend массыына туттарыахтара. Түмүктүүр күрэхтэһии бүгүн буолар. Онон ким массыына күлүүһүн тутарын көрүөхпүт турдаҕа.

Күрэскэ Таатта, Мэҥэ Хаҥалас, Чурапчы, Үөһээ Бүлүү, Нам, Бүлүү, Хаҥалас, Дьааҥы, Горнай, Сунтаар, Ньурба, Орто Халыма, Дьокуускай бастыҥ хапсаҕайдьыттара күрэхтэһэ сылдьаллар.