Хаартыскаҕа Мария Горохова түһэриитэ, СИА
Саха сирэ хапсаҕайы көс олохтоохтор аан дойдутааҕы оонньууларын бырагырааматыгар киллэрэри көҕүлүүр.
Бу туһунан бэҕэһээ, балаҕан ыйын 25 күнүгэр, СӨ Бырабыыталыстыбатын Бэрэссэдээтэлин солбуйааччы Сергей Местников соторутааҕыта буолан ааспыт күрэхтэһиилэр түмүктэринэн иһитиннэрдэ.
Вице-премьер этэринэн, өрөспүүбүлүкэҕэ успуорт национальнай көрүҥнэрин сайыннарарга үлэ тиһиктээхтик ыытыллар. Онно үүнэр көлүөнэни уһуйаллар уонна норуоттар икки ардыларынааҕы таһымҥа таһаарарга кыһамньыларын уураллар.
«Биһиги успуорт национальнай көрүҥнэрин — хапсаҕайы инникитин көс олохтоох омуктар аан дойдутааҕы бырагыраамаларыгар киллэрэр туһуттан, сайыннарарбыт наада», — диэн этэр Сергей Местников.
Бу улахан таһымнаах оонньууларыгар бэлэмнэнэргэ кэлим былааны оҥорор, онно спортсменнар күүстээх уонна мөлтөх өрүттэрин учуоттуур наадатын ыйда.
«Биһиги ааспыт сыллардааҕы күрэстэргэ болҕомтобутун ууран сиһилии ырытыахтаахпыт уонна үчүгэй түмүктэри ситиһэргэ чопчу сыал-сорук туруоруохтаахпыт. Бу күрэхтэһиигэ биһиги спортсменнарбыт үчүгэйдик кытыннылар. Спортсменнарбыт бэлэмнээхтэрин уонна кинилэр норуоттар икки ардыларынааҕы күрэскэ саҥа дабайыыларга дьулуурдарын көрдөрөр«, — диэн бэлиэтиир кини.
Санатар буоллахха, көс олохтоохтор V аан дойдутааҕы оонньууларыгар Саха сирин спортсменнара Арассыыйа сүүмэрдэммит хамаандатыгар киирэн кытыннылар. Кинилэр биэс көрүҥҥэ күрэхтэстилэр, ол иһигэр бырагыраамаҕа киллэриллибит мас тардыһыыта эмиэ баар.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Мария Горохова түһэриитэ, СИА
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …