Хаптаҕай орто оскуолатын учуутала Мария Самсоноваҕа “РФ үтүөлээх учуутала” бочуоттаах аат иҥэрилиннэ

Иллэрээ күн, 2025 сыл атырдьах ыйын 31 күнүгэр Арассыыйа Бэрэсидьиэнэ Владимир Путин 529-с нүөмэрдээх Ыйаахха уонна 301 нүөмэрдээх дьаһалга илии баттаата. Онно олоҕуран, Мэҥэ Хаҥалас улууһун Кеша Алексеев аатынан Хаптаҕай орто оскуолатын учуутала  Мария Самсоноваҕа “РФ үтүөлээх учуутала” бочуоттаах аат иҥэрилиннэ.   

“РФ үтүөлээх учуутала” бочуоттаах ааты ылаллар:

1. Елена Беляева – Мурманскайдааҕы политиэхиньиичэскэй лиссиэй учуутала.
2. Елена Засухина – Мурманскай куорат 2-с нүөмэрдээх гимназиятын учуутала.
3. Елена Кавтазеева – Чувашия Өрөспүүбүлүкэтин Цивильскай муниципальнай уокуругун В.М.Воротников аатынан 2-с нүөмэрдээх орто оскуолатын дириэктэрин солбуйааччы.
4. Виктор Калашников – Калуга уобалаһын Малоярославца куоратынааҕы гимназиятын учуутала.
5. Анастасия Кощеева – Пермь куорат 2-с нүөмэрдээх лиссиэйин учуутала.
6. Наталья Круглая – Ямало-Ненецкай автономнай уокурук Ноябрьск куоратын 6-с нүөмэрдээх орто оскуолатын учуутала.
7. Ирина Младовая – Мурманскай уобалас Кандалакшскай оройуонун 10-с нүөмэрдээх орто оскуолатын учуутала.
8. Анна Рожкова – Смоленскай куорат 33-с нүөмэрдээх орто оскуолатын учуутала.
9. Мария Самсонова – Саха Өрөспүүбүлүкэтин Мэҥэ Хаҥалас улууһун Кеша Алексеев аатынан Хаптаҕай орто оскуолатын учуутала.
10. Ольга Спиридонова – “МИФИ” Национальнай чинчийэр ядернай университет педуниверситарийын 1523 нүөмэрдээх лиссиэйин салайааччытын үөрэх-иитии үлэтигэр солбуйааччыта, Москва к.

Сиһилии РФ Үөрэҕириитин министиэристибэтин саайтыгар бу сигэнэн киирэн ааҕыҥ.