Харабыл кулуупка сынньана кэлбит киһи муннун тоһуппут

Арассыыйа ИДьМ «Дьокуускайдааҕы» 4-с №-дээх полиция отделыгар Дьокуускай куорат олохтооҕо түүҥҥү кулуупка кинини кырбаабыттарын туһунан сайабылыанньа суруйбут. 

Бэрэбиэркэ түмүгүнэн, учаастактааҕы полиция боломуочунайа буруйдааҕы быһаардылар. Ньурба улууһуттан төрүттээх 18 саастаах, бу тэрилтэҕэ харабылынан үлэлиир киһи диэн ИДьМ пресс-сулууспата иһитиннэрэр.

Харабыл эр киһини сынньанар тэрилтэҕэ киллэрбэтэх, онтон сылтаан анараа киһи кыыһырбыт. Икки өттүттэн тыл тылга киирсибэккэ айдаарсыбыттар,  онтулара охсуһууга кубулуйбут. Харабыл анараа киһини муннун тосту охсубут, эмсэҕэлээбит киһиэхэ мэдиссиинэ көмөтө наада буолбут.

РФ Холуобунай кодексын 112 ыстатыйатын 1 чааһынан (Доруобуйаҕа орто, ыараханнык эчэйиини оҥоруу) холуобунай дьыала көбүтүллүбүт. Бу ыстатыйанан буруйдаах 3 сылга диэри көҥүлэ быһыллыан сөп.