Харабыллааччылар волейболга күрэхтэстилэр

Бэҕэһээ, олунньу 22 күнүгэр, Хотугулуу-Илиҥҥи федеральнай университет педагогическай институтун успуорт саалатыгар сылын ахсын ыытыллар үтүө үгэскэ кубулуйбут Дьокуускай куорат харабыллыыр чааһынай тэрилтэлэрин истэригэр волейболга турнир буолан ааста.

Турниры Саха сирин чааһынай тэрилтэлэрин салайааччыларын холбоһуга уонна федеральнай координационнай киин иһинэн үлэлиир тэрилтэ үүннээн-тэһииннээн ыыттылар. Сэргэх тэрээһин Аҕа дойдуну көмүскээччи күнүгэр уонна чөл олоҕу өрө тутууга, эдэр дьону патриотическай иитиигэ ананна. Тэрээһин үөрүүлээх чааһыгар «Росгвардия» Саха сиринээҕи салалтата кыттыыны ылла.

Тыҥааһыннаах оонньуулар түмүктэринэн бастакы миэстэ — «Белый Медведь», иккис миэстэ — «Регион безопасность»,
үһүс миэстэ — «Центр Безопасность» харабыллыыр чааһынай тэрилтэлэр буоллулар. Бу курдук, сылын аайы ыытыллар турнирга көхтөөхтүк кыттыбыт тэрилтэлэргэ ис сүрэхпититтэн махтанабыт.

Николай Фролов.