Хаартыска: Айаал Аргунов
Өрөспүүбүлүкэтээҕи офтальмологическай клиническэй балыыһаҕа катарактаны эмтииргэ аан бастакытын маастар-кылаас буолла. Москва куораттан уопуттаах исписэлиис, мэдиссиинэ наукатын хандьыдаата, «Спектр» офтальмологическай килииникэ бырааһа Арминэ Геворкян кэлэн Саха сирин уонна Магадан уобалаһын быраастарын хараҕы хирургия көмөтүнэн эмтииргэ үөрэтэр.
Өрөспүүбүлүкэтээҕи офтальмологическай клиническэй балыыһа кылаабынай бырааһа Иван Луцкан иһитиннэрбитинэн, эрдэ быраастар Арассыыйа атын куораттарыгар баран үөрэнэр эбит буоллахтарына, быйыл аан маҥнайгытын Дьокуускайга бэйэтигэр үөрэнэллэр. Кини этэринэн, сылын ахсын Саха сирин офтальмологтарын биригээдэлэрэ оройуоннарга тахсан олохтоох дьон харахтарын эмтииллэр. Катаракта — биир саамай тарҕаммыт харах ыарыыта буолар, онон хирург-исписэлиистэргэ наадыйыы улахан.
«Ил Дархан Айсен Николаев көҕүлээбит «Мобильнай биригээдэлэр» уонна «Мобильнай дуоктардар» бырайыактар нөҥүө араас исписэлиистэр улуустарга тахсан дьону эмтииллэр. Ол курдук, биһиги офтальмолог-хирургтарбыт бу нэдиэлэҕэ эмиэ айанныахтара. Былырыын быраастарбыт Тиксиигэ, Эдьигээҥҥэ, Өлөөҥҥө сылдьыбыттара. Быйыл Орто Халымаҕа уонна чугас сытар улуустарга айанныыр былааннаахпыт», — диэн балыыһа кылаабынай бырааһа этэр.
Маастар-кылааска офтальмологическай клиническэй балыыһа быраастара, Хотугулуу-Илиҥҥи федеральнай университет мэдиссиинискэй институтун ординатор-быраастара, ону таһынан Магадан уобаластан кэлбит офтальмологтар үөрэнэллэр — уопсайа 10 киһи. Быраастар быраактыкаларыгар сибиинньэ хараҕын туһаналлар, аналлаах тренажердарга эпэрээссийэ оҥороллор.
Арминэ Геворкян Саха сиригэр офтальмолог-быраастары бэлэмнээһин үрдүк таһымнааҕын, итиэннэ балыыһаҕа бүгүҥҥү күҥҥэ саамай аныгы, эпэрээссийэ арааһын оҥорорго наадалаах тэриллэр баалларын бэлиэтээтэ.
«Биһиги «Кругозор» диэн ааттаах үөрэх киинин арыйдыбыт. Онон Саха сиригэр офтальмологтары катаракта ыарыыны эмтииргэ үөрэтии салҕаныаҕа», — диэтэ Иван Луцкан.
Саҥа дьыл бырааһынньыгын көрсө, Дьокуускай куорат биир биллиилээх эрэстэрээнэ үгэс буолбут «Саҕынньахтаах селедка» салааты саха…
Омугуттан тутулуга суох бэйэ төрөөбүт тылын билии — олох сүрүн ирдэбилэ. Ааһа баран, элбэх тылы…
Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн…
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…
Кэлэн иһэр саргылаах Саҥа дьылы көрсө Үрүҥ Айыы сылынан (Кытай халандаарынан – Кыһыл ат сыла)…