Хаартыска: ааптар тиксэриитэ
Таатта улууһун бочуоттаах олохтооҕо, тыыл уонна үлэ бэтэрээнэ Петр Гаврильевич Колотинскай төрөөбүтэ 95 сылынан, «Үлэни өрө тутан» улуустааҕы күрэҕи олохтоох бибилэтиэкэ, Федорова Акулина Атосьевна уонна оҕолоро, сиэннэрэ тэрийэн ыыттылар.
Чычымахтан 5 кыттааччы «зуум» нөҥүө киирэн, үлэтин билиһиннэрдэ. Харбалаах үөрэнээччилэрэ дьүүллүүр сүбэҕэ бэйэлэрин дакылааттарын иһитиннэрдилэр. Тэрээһини Акулина Атосьевна киирии тылынан саҕалаата. Бырааттыы Мординовтар түмэллэрин сэбиэдиссэйэ Сардана Александровна Васильева П.Г. Колотинскай олоҕун, үлэтин туһунан билиһиннэрдэ.
Дьүүллүүр сүбэҕэ П.Г. Колотинскай кыргыттара: РСФСР үөрэҕириитин туйгуна Августина Петровна Кулачикова, СӨ үөрэҕириитин туйгуна Татьяна Петровна Мессеева, үлэ бэтэрээнэ, бастыҥ уопсастыбанньык Светлана Петровна Винокурова, түмэл сэбиэдиссэйэ С.А. Васильева, учуутал В.С. Кривошапкина үлэлээтилэр.
Дьүүллүүр сүбэ оҕолор дакылааттарын үчүгэйдик ааҕан, чинчийэн баран суруйбуттарын бэлиэтээтэ.
Түмүккэ маҥнайгы миэстэни Бястинов Айсен (Харбалаах орто оскуолата, 8 кылаас), Спиридонов Миша (Харбалаах орто оскуолата, 8 кылаас); 2 миэстэни Иванов Сайаан (Харбалаах орто оскуолата, 8 кылаас); Канаева Лиза (Чычымах оскуолата, 8 кылаас); үһүс миэстэни Копылов Мичил уонна Попов Чаҕыл ыланнар, туһааннааҕынан 5, 3, 1 тыһыынча харчынан бириэмийэ туттулар. Атын кыттыбыт үөрэнээччилэр «биһирэбили» кытта харчынан бэлиэтэннилэр. Маны барытын Петр Гаврильевич оҕолоро, сиэннэрэ үбүлээтилэр.
Колотинскайдар дьиэ кэргэн аҕаларын сырдык аатын үйэтитэр араас тэрээһиннэри ыыталлара үгэскэ кубулуйда. Бастаан 2018 сыллаахха «Уол оҕо барахсан» күрэҕи Харбалаах оскуолатыгар тэрийбиттэрэ, онно кыайыылааҕынан Антон Мазенцев тахсан, ботуччу сууманан наҕараадаламмыта. Онтон пандемия кэмигэр ситиһиилээх оҕоҕо үс сыл субуруччу истипиэндьийэ туттарбыттара. Быйыл аҕаларын айар үлэтин ырытыыга тэрийдилэр. Онон учууталлар ааттарыттан уол оҕону сайыннарыыга ситимин быспат өйөбүллэрин, араас хайысхалаах тэрээһиннэрин иһин барҕа махталбытын тиэрдэбит. Үлэҕитигэр, үөрэххэ ситиһиини, тус олоххо дьолу баҕарабыт.
Валентина КРИВОШАПКИНА, Таатта, Харбалаах
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…