Хаартыска: ааптар тиксэриилэрэ
Саха Өрөспүүбүлүкэтигэр орто анал үөрэх күнэ бэлиэтэннэ. Н.Мординов-Амма Аччыгыйа аатынан үөрэхтээһин холбоһугун лиссиэй маҥнайгы кууруһун устудьуоннара идэлэригэр сыһыаннаах Харбалаахха баар тэрилтэлэргэ экскурсияҕа сылдьан, үгүһү билэн-көрөн, астынан кэллилэр.
Хайаны байытар үлэ массыыналарыгар үөрэнэр устудьуоннары СӨ Судаарыстыбаннай мунньаҕын (Ил Түмэн) дьокутаата Прокопий Дмитриевич Рахлеев генеральнай дириэктэрдээх «Төлөн» ААУо кэлэктиибэ үөрэ көрсөн, чоҕу хостуурга туттуллар тиэхиньикэлэри көрдөрдүлэр, үлэһиттэр устудьуоннарга үлэлэрин сүрүн ис хоһоонун билиһиннэрдилэр.
Баһаарынай идэтигэр үөрэнээччилэр олохтоох МПЧ тэрилтэҕэ сырыттылар. Максим Дмитриевич Антоев салайааччылаах баһаарынайдар үлэлэрин билистилэр. Баһаарынай массыына хайдах үлэлиирин көрөн, идэлэрин туһунан бастакы өйдөбүлү ыллылар.
Тыа хаһаайыстыбатын маастарын идэтигэр үөрэнэр устудьуоннар «Төҥүттэ» алааһыгар олохсуйан үлэлии турар Василий Константинович Татаринов салайааччылаах «Хочо» бааһынай хаһаайыстыбатыгар ыалдьыттаатылар. Былырыын тутуллан киирбит аныгылыы ирдэбилгэ толору эппиэттиир хотоннору, үлэһиттэр олорор, сынньанар усулуобуйаларын билсэн, сөҕө-махтайа көрдүлэр. Барыта тиэхиньикэ көмөтүнэн үлэлиир пиэримэни көрөн, элбэҕи билэн кэллилэр.
Мантан инньэ талбыт идэлэрин сүрүн хайысхатыгар үөрэнэ, быраактыкалана элбэхтик сылдьар буолуохтара.
Устудьуоннарга бүгүн сонун үөрэх күнэ тэриллэн, үгүһү билэн-көрөн, талбыт идэлэрин туһунан билсэн кэлбиттэрэ туһалаах буолуо диэн эрэнэбит. Кинилэри салайан илдьэ сырыттылар маастардар: Громов Андрей Альбертович, Татаринова Людмила Андреевна, Малышева Елена Васильевна уонна Федорова Ирина Романовна.
Устудьуоннарбытын үөрэ-көтө көрсүбүт Харбалаахпыт уйуктаах, дьоһун тэрилтэлэрин үлэһиттэригэр холбоһук салалтатын аатыттан махталбытын тиэрдэбит!
Ульяна ЕГОРОВА, Таатта, Харбалаах
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …