Салгыы
До выборов президента РФ
00 дней
:
00 часов
:
00 минут
:
00 секунд
Харбалаах ыалыгар – олоҥхо дьоро киэһэтэ

Харбалаах ыалыгар – олоҥхо дьоро киэһэтэ

Ааптар:
17.11.2023, 17:00
Хаартыска: ааптар тиксэриитэ
Бөлөххө киир:

Таатта Харбалааҕар үтүө үгэһи сөргүтэн,  ыалга олоҥхо истэр дьоро киэһэ буолла. Олохтоох ускуустуба оскуолатын фольклорга учуутала Варвара Алексеевна Парфенова кулууптары кытары  кыттыгас тэрээһинэ үрдүк таһымҥа ааста.

Бастаан олоҥхоһуту истэ кэлбит ыалдьыттары сахалыы астаах баай-талым остуолга ыҥыран чэйдэттилэр, онтон ыал  ийэтэ аал уотун аһатан, алгыһынан амалыйан арчылаата. Салҕыы оҕо олоҥхоһуттар дьоро киэһэни саҕалаатылар.

Варвара Алексеевна уһуйааччыта Никита Ксенофонтов Ийэ олоҥхоһут Петр Решетников олоҥхотуттан быһа тардан толордо. Онтон улахан ааттаах-суоллаах,  таатталар киэн туттар  олоҥхоһуппут Алексей Николаев  «Айыы Дугуйдах» диэн бэйэтин олоҥхотун чаастан ордук толорон, истээччилэр кэрэхсэбиллэрин ылла.  «Ноо!»  диэн сэргээһин үөрүүтүн үгүстүк иһиттэ.

Бу дьоро киэһэни тэрийбит, үтүө үгэһи сөргүтээччи Варвара Алексеевнаҕа барҕа махталбытын тиэрдэбит! Айымньылаах үлэҥ өссө да кэҥээн, кэскиллэнэн истин!

Валентина КРИВОШАПКИНА

+1
4
+1
0
+1
1
+1
0
+1
0
+1
2
+1
1
Бары сонуннар
Салгыы
23 февраля
  • -36°C
  • Ощущается: -36°Влажность: 66% Скорость ветра: 1 м/с

Сообщить об опечатке

Текст, который будет отправлен нашим редакторам: