Хаартыска: ааптар тиксэриитэ
Таатта Харбалааҕар үтүө үгэһи сөргүтэн, ыалга олоҥхо истэр дьоро киэһэ буолла. Олохтоох ускуустуба оскуолатын фольклорга учуутала Варвара Алексеевна Парфенова кулууптары кытары кыттыгас тэрээһинэ үрдүк таһымҥа ааста.
Бастаан олоҥхоһуту истэ кэлбит ыалдьыттары сахалыы астаах баай-талым остуолга ыҥыран чэйдэттилэр, онтон ыал ийэтэ аал уотун аһатан, алгыһынан амалыйан арчылаата. Салҕыы оҕо олоҥхоһуттар дьоро киэһэни саҕалаатылар.
Варвара Алексеевна уһуйааччыта Никита Ксенофонтов Ийэ олоҥхоһут Петр Решетников олоҥхотуттан быһа тардан толордо. Онтон улахан ааттаах-суоллаах, таатталар киэн туттар олоҥхоһуппут Алексей Николаев «Айыы Дугуйдах» диэн бэйэтин олоҥхотун чаастан ордук толорон, истээччилэр кэрэхсэбиллэрин ылла. «Ноо!» диэн сэргээһин үөрүүтүн үгүстүк иһиттэ.
Бу дьоро киэһэни тэрийбит, үтүө үгэһи сөргүтээччи Варвара Алексеевнаҕа барҕа махталбытын тиэрдэбит! Айымньылаах үлэҥ өссө да кэҥээн, кэскиллэнэн истин!
Валентина КРИВОШАПКИНА
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…