Хаартыска: ааптардар тиксэриилэрэ
Балаҕан ыйын 8 күнүгэр Таатта улууһугар Харбалаахтааҕы үөрэхтээһин холбоһугун лиссиэйин салаатын үөрэнэр куорпуһугар төрөөбүт дойдутун туһугар байыаннай дьайыыга бэриниилээхтик охсуһа сылдьан суорума суолламмыт «Баһаарынньык-22» бөлөх выпускнига Лукинов Симон сырдык кэриэһигэр аналлаах «Дьоруой паартата» арылынна.
Тэрээһини холбоһук дириэктэрэ Л.А. Афанасьева саҕалаата. Кини маннык хорсун үөрэнээччилэрдээхпитинэн киэн туттарын бэлиэтээн эттэ. Салгыы Орто Амма сэлиэнньэтин тэриллиитин баһылыга А.И.Кулачиков, байыаннай дьайыы кыттыылааҕа С.И. Шараборин, бэтэрээн учуутал Г.Г. Сорова тыл эттилэр. Холобур буолар дьоһун уолбут аата куруук ааттана, бу паарта биһиги Симоммытын куруук саната туруо диэтилэр. Түргэнник эйэлээх олох туругуруон баҕардылар.
Тэрээһини В.С Кривошапкина салайар «Харбалаах уоланнара» бөлөҕө «Улуу Ильмень» хоһоонунан ситэрэн биэрдилэр.
Симон Лукинов биир дойдулаахтара Ньурба Дьиикимдэтиттэн быһа холбонон, уолларынан киэн тутталларын уонна киниэхэ аналлаах паарта арыллыбытыгар, үйэтитиигэ үлэ барарыгар махтанан тыл эттилэр.
Лиссиэй устудьуоннара, холбоһук үөрэнээччилэрэ бу ытык миэстэни куруук көрө-истэ, сүгүрүйэ сылдьыахтара диэн эрэнэбит.
Симон Лукинов хорсун быһыыта Аҕа дойдуга бэриниилээх буолуу үтүө холобура буолан, үрдүк санааҕа угуйа, ыҥыра туруо!
Снежана ХАЛЫЕВА, Валентина КРИВОШАПКИНА, Харбалаахтааҕы үөрэхтээһин холбоһуга, Таатта
ИДьМ Дьокуускайдааҕы 2 №-дээх отделын холбоһуктаах былааннаммыт бэрэбиэркэтин кэмигэр, миграционнай сокуону кэһии түбэлтэтэ бэлиэтэммит. Полицейскайдар…
Маҕаһыыҥҥа атыыланар дьоҕус тиэрмэс бэртээхэй тэрил эрээри, сыаналаах. Итиэннэ киһи бэйэтэ тутан-хабан оҥорбута саныахха да…
"Өскөтүн үлэни биэрээччи хамнаһы, уоппусканы, о.д.а. төлөбүрү хойутаппыт түгэнигэр, үлэһит бэйэтин үлэлиир быраабын көмүскэниитэ диэн…
«Востокгосплан» федеральнай автономнай научнай тэрилтэ бэрэстэбиитэллэрэ дойду технологическай уонна култуурунай суверенитетын хааччыйар технологиялары кытта билсэр,…
"Теплоэнергосервис" («РусГидро» бөлөх «Якутскэнерго» аахсыйалаах уопсастыбатын алын хампаанньата) Саха сирин бары улуустарыгар ититии ситимин холбуур…
Дьокуускайдааҕы Күнү-дьылы кэтээн көрөр сулууспа территориятыгар ураты тыыннаах пааматынньыгы – 600 бэс үнүгэһин олордон «Кыайыы-80»…