Хаартыска: ааптар тиксэриитэ
Кыайыы диэн тыл сүрэҕи өрүкүппүт, эрэли үөскэппит, үтүөнү түстээбит бэлиэ тыл.
Улуу Кыайыы күнүн көрсө Н.Е. Мординов-Амма Аччыгыйын аатынан Харбалаахтааҕы үөрэхтээһин холбоһугар үгүс тэрээһин буолла. Ол курдук, кылаастар сыһыарыылаах ытык сирдэрин ыраастаатылар, нэһилиэк субуотунньуктарыгар кытыннылар, бэтэрээннэргэ көмөлөстүлэр. «Окна Победы», «Өлбөт-сүппэт полк», «Письмо солдату» курдук Бүтүн Арассыыйатааҕы аахсыйаларга барытыгар кытынныбыт.
Оскуола мусуойун салайааччыта В.В.Блахирова салайыытынан бэтэрээннэргэ аналлаах истиэндэ сөргүтүлүннэ, байыаннай эпэрээссийэҕэ кытта сылдьар 20 хорсун биир дойдулаахпытыгар сурук суруйдубут. Кылаастарынан сыһыарыылаах бэтэрээннэрбитин эҕэрдэлээтибит.
4 кылаас хоһоонньуттара тыыл, үлэ бэтэрээннэрэ А.Г.Колодезниковаҕа, Е.Т. Протопоповаҕа сылдьан, эҕэрдэлээтилэр, «Кыайыыга-эҕэрдэ!» хоһооннорун ааҕан сэргэхситтилэр. Кинилэри К.И.Старостина, В.С.Кривошапкина бэлэмнээбиттэрэ. «Ини-бии Мординовтар» түмэл салайааччыта С.А.Васильева «Уроки мужества» ыытта. Быйыл оскуоланы бүтэрэр Ария Трофимова «Полка добра ветеранам» аахсыйаны олохтоох «Кэскил» маҕаһыыҥҥа тэрийбитигэр үгүс киһи кыттыста. Бу бэлэхтэри «Кыайыы күнүнэн» бэтэрээннэргэ үөрдэ-көтүтэ тиксэриэхтэрэ.
Ити курдук, үлэни уонна үөрэҕи тэҥҥэ тутан, бэтэрээннэргэ сүгүрүйэ-махтана Кыайыы күнүн көрсөбүт. Бары баҕа санаабыт: «Сэрии суох буоллун! Эйэлээх олох түстэннин!»
Лейла НИКОНОВА
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…
Өрөспүүбүлүкэҕэ “Саха сирэ – дьоруойдар дойдулара” каадыр бырагыраматын олоххо киллэрии бара турар. Барыл кыттыылаахтара өрөспүүбүлүкэ…
Хапкааҥҥа атаҕыттан хаптарбыт бэдэри "Халыма" федеральнай суолугар Чурапчы уонна Мэҥэ Хаҥалас улуустарын икки ардыгар суоппардар…
СӨ бырабыыталыстыбатын бэрэссэдээтэлин солбуйааччы Георгий Степанов салайааччылаах отчуоттуур бөлөх Туойдаах нэһилиэгин олохтоохторун иннигэр ааспыт сыллааҕы…
Бүгүн, олунньу 16 күнүттэн, вице-премьер Сергей Местников салайааччылаах СӨ бырабыыталыстыбатын бөлөҕө Ньурба улууһугар үлэлиир. Оробуочай…
Ааспыт өрөбүл күннэргэ Дьокуускай куоракка 11 суол быһылаана тахсан, биир киһи эчэйдэ. Олунньу 14 күнүгэр …