Салгыы
До выборов президента РФ
00 дней
:
00 часов
:
00 минут
:
00 секунд
Харбалаахха Кыайыыга аналлаах эстэпиэтэ түмүктэннэ

Харбалаахха Кыайыыга аналлаах эстэпиэтэ түмүктэннэ

10.05.2023, 09:16
Хаартыска: ааптар тиксэриитэ
Бөлөххө киир:

Ыам ыйын 9 күнүгэр Таатта улууһун Харбалааҕар Аҕа дойду Улуу сэриитигэр Кыайыы 78 сылынан параад кэнниттэн, тэрилтэлэр икки ардыларыгар 6 түһүмэхтээх эстэпиэтэҕэ 5 хамаанда суруйтаран илин-кэлин түһүстэ.

Эстэпиэтэҕэ «Төлөн» АУо, ХОК-1, ХОК-2, «Кэскил» оҕо уһуйаана, олохтоох дьаһалта кытыннылар.

Ленин аатынан уулусса саҕаланыытыгар 5 хамаанда турунан кэбистэ. Судьуйа А.В. Федоров күрэх саҕаланыытын биллэрэн, свистогу  тыаһатаатын кытта илин-кэлин түсүһүү саҕаланна. Онтон түмүккэ  «Төлөн» АУо, «Кэскил» оҕо уһуйаана таҕыстылар. Эрэллээх кыайыыны ХОК-2 хамаандата ситистэ уонна эһиил бу кэмҥэ диэри көһө сылдьар Кубок маҥнайгы хаһаайыннарынан буолла.

Эстэпиэтэ түмүктэммитин кэннэ алын сүһүөх кылаас оҕолоругар бэлэсипиэтинэн сүүрүү буолла. Алын сүһүөхтэргэ 10 оҕо суруйтарбытыттан, 8 кыттааччы стартовай линияҕа турда. «Чемезов» ЭП бэркэ салайан ыыппытын тоһоҕолоон этэр тоҕоостоох. Сэрэхтээх буолар туһуттан, 4-түү оҕо арахсан илин-кэлин түһүстэ. Түмүккэ Ренат Федоров (4 кылаас, 0,52 сөк.),  Ванесса Федорова (1 кылаас, 0,58 сөк.),Тимур Ефремов (1 кылаас, 1,00 сөк.) бириэмэни көрдөрдүлэр.

Быйыл оскуолаҕа киирэргэ бэлэмнэнэ сылдьар Уйгууна Оконешникова 6-с бириэмэни көрдөрдө.

Улахан кылаас оҕолоругар 4 оҕо суруйтаран стартовай линияҕа таҕыста. Эдуард Петрович хамаанда биэрээтин кытта, ыһыылаах хаһыылаах илин-кэлин түсүһүү саҕаланна. Түмүккэ Дияна Слепцова (соҕотох кыыс кыттааччы, 4 сөк.),  Мичил Спиридонов (0,50 сөк.), Тимур Малышев (0,48 сөк.) көрдөрдүлэр. Кинилэр бары — Амма Аччыгыйын  аатынан Харбалаах орто оскуолатын 6-с кылааһын үөрэнээччилэрэ.

Чаҕылыччы тыгар күн, күөх халлаан, кыра утары тыал күрэхтэһии бэрт сэргэхтик ааһарыгар төһүү буолла.

Харбалаахха Кыайыы үөрүүлээх күнэ үрдүк таһымҥа бэлиэтэнэ турар, мантан киэһэ орто уонна эдэр көлүөнэ дьон бэтэрээннэртэн ылбыт эстэпиэтэлэрин толорон кэнсиэрдээри түмүстүлэр.


Аҕа дойду сэриитин уонна үлэ бэтэрээнэ, туруу үлэһит, Харбалаах бастакы тутааччыта Иван Сергеевич Кривошапкин төрөөбүтэ 100 сылыгар аналлаах быыстапка тэниччи тардылынна.

Ким да умнуллубат, туох да умнуллубат!

Валентина Кривошапкина, Таатта, Харбалаах

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
27 февраля
  • -29°C
  • Ощущается: -29°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: