Хаартыска: ааптар тиксэриитэ
Муус устар 30 күнүгэр Н.Е.Мординов-Амма Аччыгыйа аатынан Харбалаахтааҕы үөрэхтээһин холбоһугар «Мин — өрөспүүбүлүкэ инники кэскилэбин!» диэн тумус тыллаах «Ситиһии күнэ» үрдүк таһымҥа буолан ааста.
Бу тэрээһин Арассыыйаҕа «Дьиэ кэргэн», Саха сиригэр «Оҕо саас», Тааттаҕа «Таптал, Эрэл, Итэҕэл» сылларын чэрчитинэн ыытылынна. Тэрээһин үөрэнээччилэр уонна учууталлар холбоһуктаах хордарынан саҕаланна.
Бастаан холбоһук дириэктэрэ А.В. Мосоркина киирии тылынан арыйда, үөрэх дьылын ситиһиилэрин кэпсээтэ. Онтон туйгун, бастыҥ үөрэхтээх үөрэнээччилэр, устудьуоннар чиэстэннилэр, араас хайысханан ситиһиилээх үөрэнээччилэри эҕэрдэлээтилэр. Сүүрбэттэн тахса бастыҥтан бастыҥнар анал истипиэндьийэлэри тутан, үөрүү өрөгөйүн биллилэр.
Ситиһиилээх үөрэнээччилэри өйөөн, анал истипиэндьийэлэри туттарар Харбалаах олохтоохторугар, Мординовтар аймахха, учууталларбытыгар барҕа махталбытын тириэрдэбит! Оҕолорун туһугар кыһанан, иитэр-үөрэтэр үлэҕэ куруук көхтөөхтүк кыттыһар Васильевтар, Винокуровтар, Оконешниковтар «Бастыҥ дьиэ кэргэн» бэлиэнэн наҕараадаланнылар. Элбэх дьиэ кэргэн «Махтал суругунан» бэлиэтэннэ. Түмүккэ, «Сыл бастыҥ үөрэнээччитэ» үрдүк аатынан 9 кылаас үөрэнээччитэ Айсен Бястинов ааттанна! «Сыл бастыҥ устудьуона» ааты Александр Оконешников сүктэ.
«Ситиһии күнэ» өссө да үрдүккэ, сырдыкка, кэрэҕэ угуйа, ыҥыра, сирдии турдун! Үөрэнээччилэрбит өрөспүүбүлүкэ кэскилин түстэһэр чулуу дьон буола үүнэн-үрдээн истиннэр!
Таисия Андреева, 7 кылаас үөрэнээччитэ, Таатта, Харбалаах.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…