Хаартыска: ааптар тиксэриитэ
Ыам ыйын 24 күнүгэр Н.Е.Мординов Амма-Аччыгыйа аатынан Харбалаахтааҕы үөрэх холбоһугар тиһэх чуораан чугдаарда.
Оскуолаҕа эрдэттэн долгуйбут выпускниктар, төрөппүттэр, тэрилтэ салайааччылара муһуннулар. Үгэс курдук, үөрүүлээх тэрээһин 4 кылаастары чиэстээһининэн саҕаланна. Кинилэри эдэр кэскиллээх учуутал Кристина Игнатьевна Старостина үөрэтэн, 5 кылааска атаарда. Онтон бастакы судаарыстыба тургутугун туттарар тохсустары чиэстээтибит. «Движение первых» өрөспүүбүлүкэтээҕи салалтатыттан 9 кылаас бастыҥ үөрэнээччитэ, көхтөөх уопсастыбанньыга Миша Спиридонов Бочуотунай Грамотаны тутта. Итини тэҥинэн, иитэр үлэҕэ дириэктэри солбуйааччы Варианна Васильевна Макарова эмиэ ити тэрилтэ Бочуотунай Грамотатынан наҕараадаланна.
Быйыл оскуоланы бүтэрэр оҕолорбутун үөрэппит учууталлара сиэтэн сыанаҕа киллэрдилэр. Үс бастыҥ үөрэнээччилэрбит Милена Егорова, Аман Федоров, Ария Трофимова улуус баһылыга А.С.Бурцев Бочуотунай Грамотатынан наҕараадаланар чиэскэ тигистилэр. Ил Түмэн дьокутаата П.Д.Рахлеев выпускниктарга кэс тылын тириэртэ уонна салайар «Төлөн» АУо тэрилтэ аатыттан Эҕэрдэ суругу кытта биэстии тыһыынча харчынан өйөбүлү туттарда. Кылаас салайааччыта, устуорук Амгира Даниловна Соломонова бастакы выпустарын олус долгутуулаахтык эҕэрдэлээтэ. Төрөппүттэр оҕолоругар истиҥ-иһирэх эҕэрдэлэрин эттилэр, баҕа санаа бастыҥа суруллубут «Чуораанчык» альбомнарын бэлэх ууннулар. Үөрэппит учууталларыгар дириҥ ис хоһоонноох махталларын тиэртилэр. Бүгүҥҥү тэрээһин күндү ыалдьыттарынан биһиги оскуолабытын үйэ аҥаарын анаараа өттүгэр бүтэрбит выпускниктарбыт П.К.Богдокумова, М.С.Неустроева, А.П.Ерилова буоллулар. Кинилэр оскуоланы бүтэрээччилэргэ эҕэрдэлэрин тиэртилэр уонна үөрэммит оскуолаларыгар альбом бэлэх туттардылар. Бу үрдүк үөрүүлээх күннэринэн холбоһук дириэктэрэ А.В.Мосоркина эҕэрдэлээтэ, сэмэй өйдөбүнньүк бэлэхтэри туттарда.
Быйыл бүтэрээччилэр ырыаларынан, вальстарынан, чуорааны лыҥкыначчы тыаһатыыларынан үөрүүлээх тэрээһин түмүктэннэ. Салгыы алгыстаах оһуохай оҕолорбутугар ситиһиини, олохторугар сөптөөх суолу талалларыгар эркээйини түстээтэ.
Валентина КРИВОШАПКИНА, Таатта, Харбалаах
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…