Харбалаахха Уйулҕа ыйа былааннаахтык барар

Николай Мординов-Амма Аччыгыйа аатынан Харбалаахтааҕы үөрэхтээһин холбоһугар бу күннэргэ үөрэнээччи өй-санаа өттүнэн толкуйун, сатабылын сайыннарар, эт-хаан өттүнэн чэгиэн буолуутун ситиһэргэ көҕүлүүр тэрээһиннэр бииртэн биир солбуһан ыытылла тураллар.

Уйулҕа ыйа былааннаахтык баран иһэр. Куораттан, улуустан психологтар кэлэн, оҕолору уонна төрөппүттэри кытары үлэлээтилэр, араас трениннэри тэрийдилэр.
Алтыһыы диэн хайысханан физкультура учууталларын тэрийиилэринэн лиссиэй устудьуоннарын кытары волейболга доҕордуу күрэхтэһии буолла. Төрөппүттэр Соломонова Амгира Даниловна, Уварова Ньургуйаана Алексеевна, Атасыкова Дария Владимировна кылаастарга сатабылы сайыннарар маастар кылаастары ыыттылар. Төрөппүт Дария Владимировна Атасыкова, психолог Василиса Ивановна Дьяконова тэрийиилэринэн головоломкаларынан турнир олус сэргэхтик ааста. Үөрэнээччилэр олус сэргээтилэр. Устуорук Амгира Даниловна Соломонова Улуу Кыайыы устуоруйатыгар биктэриинэни лиссиэй устудьуоннарыгар уонна үөрэнээччилэргэ ыытта.
Бу үлэни барытын иитэр үлэни сүрүннээччи Макарова Варианна Васильевна оскуола психолога Дьяконова Василиса Ивановнаны кытары сүбэнэн ылсан, былааннаахтык саҕалаатылар. Этэргэ дылы, оскуола иһэ хойукка диэри тигинээн олорор.

Наташа Никифорова, Валентина Кривошапкина