Салгыы
До выборов президента РФ
00 дней
:
00 часов
:
00 минут
:
00 секунд
«Харчы. Иэстэбил» киинэ көрөөччүнү бэйэтигэр тардар күүстээх

«Харчы. Иэстэбил» киинэ көрөөччүнү бэйэтигэр тардар күүстээх

06.12.2023, 11:13
Хаартыска уонна видео - Елена Потоцкая
Бөлөххө киир:

Бэҕэһээ, ахсынньы 5 күнүгэр, «Лена» киинэ тыйаатырыгар «Саха» НКИХ сэрийээли устуу сулууспата «Харчы. Иэстэбил» уус-уран киинэтин  көрөөччү дьүүлүгэр тахсыан иннинээҕи билиһиннэрии буолла. 

Киинэ көрөр саалатыгар тобус-толору көрөөччү кэлбитэ, кырдьык да, бу күннэргэ «Саха» НКИХ тэлэбиидэнньэтигэр түмүктэммит «Харчы» сэрийээли дьон биһирээбитин туоһутунан буолла.

Бары сөбүлүүр ыытааччыбыт Георгий Белоусов сыанаҕа киинэни устубут айар үлэһиттэри уонна сэрийээл дьоруойдарын ыҥыран таһааран, киинэ ис хоһоонун ырытан ылла.

Телесуруналыыс салгыы киинэ сценариһын Евгения Давыдованы, режиссер Елена Эверстованы, продюсер — Марфа Пермякованы уонна артыыстары, оператодары билиһиннэрдэ.

Онтон Георгий Белоусов сэрийээл уонна киинэ артыыстарын биир-биир билиһиннэртээтэ:

Сүрүн дьоруойдары Андрей Соловьевы, Сандра Жегусованы уонна да атын көрөөччү биһирээбит артыыстарын ааттарын дорҕооннохтук ааттаата:

Сэрийээл сулууспатын түөрт сыллааҕыта тэрийбиттэрин, онно инникитин улахан экраҥҥа көстөр киинэ устарга былаан туруоран үлэлээбиттэрин туһунан «Саха» НКИХ салайааччыта, Ил Түмэн дьокутаата Олег Марков санаатын үллэһиннэ:

Хампаанньа салайааччыта «Харчы» сэрийээли уонна киинэни устубут дьоҥҥо махтанна, сэрийээли бастыҥынан ааттаата уонна көрөөччүлэри киинэҕэ кэлэн сылдьалларыгар ыҥырда.

Полиция холуобунай дьыала салаатын салайааччыта, киинэҕэ силиэдэбэтэл прототиба Егор Чемезов «Саха» НКИХ масыанньыктары утары үлэҕэ бу маннык киинэлэр олус туһалаахтарын, дьону үөрэтэр ис хоһоонноохторун бэлиэтээтэ.

Продюсер Марфа Пермякова уонна режиссер Елена Эверстова киинэ туһунан  санааларын үллэһиннилэр.

Юляны оонньообут кылаабынай оруолу толорооччу Сандра Жегусоваттан интервью ылаары, суруналыыстар, мэктиэтигэр, уочараттаан ыллыбыт. Мин эдэр артыыс сулустаах чааһын туоһута буолбуппуттан үөрэн, кыл түгэнигэр кэпсэтэн ыллым.

Кылгас кэпсэтииттэн сөп буолбакка, Сандра мин кэннибиттэн интервью ылбыт суруналыыстарга биэрэр хоруйун кытта устааччы буоллум.

Аны бу турдахпытына Юля кэргэнэ Байдам чугаһаата. Онон Андрей Соловьев уонна Сандра Жегусова — иккиэннэрин хоруйун  хайдах көтүтүөмүй диэн санааттан эмиэ уһуллум.

Тахсан иһэн, салгыы опер Влады оонньообут  Владислав Иванову көрүстүм. Олоххо дьоруойуттан олох атын киһи эбит.

Билигин үгүс ыччат «гражданскайдыы» дьиэ кэргэн буолан олороллорун туһунан таптыыр Сардаанатын биэс сыл күүттэрбит Влад маннык санаалаах буолла:

Мин табылынным. Владислав Иванов кэнниттэн режиссер Елена Эверстованы таба туттум.

Аны киинэ туһунан көрөөччүлэр тус санааларын истиэххэ.

… Күндү доҕоттор, «Харчы. Иэстэбил» киинэ сарсыҥҥыттан, ахсынньы 7 күнүттэн, улахан экраҥҥа көрөөччү дьүүлүгэр тахсар. Драма, триллер, детектив жанрдара бары биир киинэҕэ  түмүллүбүттэрэ — саха киинэтигэр сонун көстүү.  Үөрүүлээҕэ баар, бу киинэ бары улуустарга эмиэ көстүөҕэ. Онон саҕаланыаҕыттан бүтүөр диэри киһи болҕомтотун тардар, ханнык эрэ түгэҥҥэ ыксатар, ытатар киинэни олох көтүтүмэҥ, хайаан да көрүҥ. «Саха» НКИХ бастыҥ сэрийээлин дьоруойдара толорууларыгар киһини өссө төгүл үөрэтэр, олоҕор кэккэ түмүгү оҥорор, толкуйдатар киинэҕэ түөкүннээһин содула көстүөҕэ. Сэрийээл уонна киинэ — тус-туспа бырайыактар.  «Харчы. Иэстэбил» улуустарга барыларыгар үлэлии турар киинэ тыйаатырдарыгар  көстүөҕэ — дириҥ ис хоһоонноох киинэни көтүтүмэҥ.

+1
10
+1
0
+1
0
+1
0
+1
1
+1
0
+1
1
Бары сонуннар
Салгыы
23 февраля
  • -37°C
  • Ощущается: -37°Влажность: 66% Скорость ветра: 0 м/с

Сообщить об опечатке

Текст, который будет отправлен нашим редакторам: