«Харчы. Иэстэбил»  уус-уран киинэ — «ТЭФИ-Регион 2024» кыайыылааҕа

«Саха» НКИХ «Харчы. Иэстэбил»  уус-уран киинэтэ «ТЭФИ-Регион 2024»  Бүтүн Россиятааҕы куонкурус кыайыылааҕынан буолла. Куонкурус финала Тула куоракка ыытылынна.

Ол курдук саха киинэтэ «Фильмы/Сериалы» номинация кыайыылааҕынан таҕыста. Наҕарааданы киинэ режиссёругар   Елена Эверстоваҕа  продюсер  Александр Швыдкой туттарда диэн yk24.ru иһитиннэрдэ.

«Саха НКИХ» сериаллар сулууспатын салайааччыта Марфа Пермякова  сулууспа «ТЭФИ-Регион» куонкуруска бу аан бастаан кыттыыта диэн кэпсээбитин  nvk-online.ru суруйар.

«Харчы. Иэстэбил» уус-уран киинэ «Харчы» сериал салгыыта буолар. Киинэ режиссера — Елена Эверстова, сценариһа — Евгения Давыдова.

Сүрүн дьоруойдар оруолларын толорбуттара: Андрей Соловьев, Сандра Жегусова, Николай Протасов уо.д.а.