«Харчы, кирэдьиит туһунан этэн бардахтарына, төлөпүөҥҥүтүн тута араарыҥ»

“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир Путины кытта сыл түмүктэрэ” бырагыраама Саха сирин бириэмэтинэн 18.00 чааска саҕаламмыта.

Ыйытыылар биир-биир киирэн иһэллэр. Ол курдук, бүгүҥҥү кэпсэтиигэ төлөпүөн түөкүттэрин утары үлэ туһунан эмиэ ыйыттылар.

—Бары дааннайдар киирэ тураллар, бааллар. РФ ИДьМ иһитиннэриитинэн, буруйу оҥоруу сэттэ бырыһыан намтаабыт, хоромньу үс бырыһыан кыччаабыт, — диэн Арассыыйа Бэрэсидьиэнэ эттэ. Кини дьону-сэргэни түөкүннээһиҥҥэ киирэн биэрбэттэригэр баҕарда. Харчы, баай-дуол, кирэдьиит туһунан этэн бардахтарына, биир да тылы эппэккэ төлөпүөнү тута араарарга сүбэлээтэ.