Харчыта суох хаалыам диэн куттанар буоллахха

Төһө эмэ олорорго сөптөөх дохуоттаахтарын үрдүнэн “сотору кэминэн кэппиэйкэтэ да суох хаалыам” диэн санаалаах сылдьар дьон баар. Бу маны субъективнай дьадайыы диэн ааттыыллар.

Бу дьиҥнээх дьадайыы буолбатах, сатаан бэйэ финансовай балаһыанньатын сыаналана, аттарына үөрэммэтэхтэн тахсар санаа.

Онон хайдах гынан саарбахтыыр санааны үүрэбит?

Кэлиҥҥи 2-3 ыйдааҕы дохуоккун уонна ороскуоккун анаалыстаан, ырытан көр. Төһө харчы хантан киирбитин, төһөнү туохха бараабыккын сурунан ис. Дьэ оччоҕо үп-харчы өттүнэн дьиҥнээх туругуҥ тахсан кэлиэ, олоҕо суох санааҕа ылларарыҥ тохтуо.