Харчытын уораары дьиэтигэр ыалдьыттата ыҥырбыт…
Биир дьахтар билэр киһитин счетугар харчылааҕын билэн баран, дьиэтигэр ыалдьыттата ыҥырбыт.
Өймөкөөн оройуонунааҕы полиция дьуһуурунай чааһыгар, баанын каартатыттан 15 000 солкуобайын уордарбыт олохтоох эр киһиттэн сайабылыанньа киирбит.
Суһал-ирдиир үлэ кэмигэр биллибитэ, уорууга эмсэҕэлээччи 33 саастаах билэр дьахтара кыттыгастаах эбит.
Полицейскайдар быһаарбыттарынан, уорбаланааччы эр киһи харчылааҕын билэн баран дьиэтигэр ыалдьыттата ыҥырбыт. Эр киһи смартфонугар мобильнай сыһыарыы хачайдаттараары дьахтартан көрдөспүт. Онуоха дьахтар эр киһи суотабайыгар онлайн-бааныгар киирэн, 15 тыһ. солк. уорбут. Ол кэннэ эр киһини дьиэтигэр атаарбыт. Уорбут харчытынан дьахтар бэйэтигэр таҥас, ас-үөл, арыгы атыыласпыт итиэннэ баанньыкка, кулуупка сылдьыбыт.
Билигин дьахтарга РФ Холуобунай кодексын 158 ыст. 3 чааһынан холуобунай дьыала көбүтүлүннэ диэн Ис дьыала министиэристибэтин пресс-сулууспата иһитиннэрдэ.
Сообщить об опечатке
Текст, который будет отправлен нашим редакторам: