Хаартыска: Бэтэринээрийэ департамена.
Эргэ Саҥа дьылга Бэтэринээрийэ департаменын идэлээх сойууһа оҕолорго уонна улахан дьоҥҥо харыйа оонньуурун оҥорорго күрэһи ыытта. Күрэс Луо сылыгар ананна.
Күрэскэ дьиэ кэргэнинэн кытыннылар. Ийэ-аҕа, оҕолор бары биир сыаллаах, киэһэ аайы түмсэн олорон, айар уххаҥҥа ылларан, илиилэринэн ону-маны оҥороллоруттан, кэпсэтэллэриттэн, дьиэҕэ ураты сылаас эйгэ үөскүүрүттэн ордук туох баар буолуой? Аныгы үйэҕэ эдэр төрөппүттэр оҕолорун кытта бииргэ алтыһаллара, бэл, кэпсэтэллэрэ аҕыйаабыт кэмигэр, маннык күрэстэр оҕо саас умнуллубат түгэннэрин бэлэхтиир кыахтаахтар. Дьиэ кэргэн сылыгар бүттүүн дьиэ кэргэнинэн кыттыһар күрэстэр элбии турдуннар!
Онон оҕолор уонна улахан дьон сыл бэлиэтин — Луо кыылы араас матырыйаалтан оҥордулар.
Оҕолорго: 1-7 кылаастарга 1-кы миэсэни Алеся Максимова, 8-11 кылаастарга — Диана Петрова ыллылар. Улахан дьоҥҥо 1-кы миэстэни Дьокуускай куорат ыстаарсай иниспиэктэрэ Гелия Саморцева, 2-с миэстэни — департамент үлэһитэ Мирослава Христофорова, 3-с миэстэни — Дьокуускай иниспиэктэрэ Дуйаана Алексеева ыллылар.
Күрэс кыайыылаахтара дипломнарынан, бириистэринэн наҕараадаланнылар, оттон күрэс кыттааччылара бары дипломнары, сэмэй бириистэри туттулар.
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…
Сааскы халаантан бу күннэргэ Нам уонна Өлүөхүмэ улуустара эмсэҕэлээтилэр. Баартыйа эрэгийиэннээҕи салаатын исполкомун салайааччыта Сулустаан…
Таатта улууһугар Ытык Күөлгэ быйыл аҕам саастаахтар хордарын тэриммиттэрэ 20 сылын туолла. Таатта норуодунай тыйаатырыгар…
Бүгүн, ыам ыйын 19 күнүгэр, суһал иһитиннэриинэн 14:00 ч. Өлүөнэ өрүс мууһа Кэбээйи, Нам уонна…
Иннокентий Пухов төрөөбүтэ 120 сылыгар Биллиилээх фольклорист Иннокентий Васильевич Пухов быйыл кулун тутар 12…
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…