Харыйа уота сандаарда, тыа сирэ сэргэхсийдэ!

«Кыһын Саха сириттэн саҕаланар» бэстибээл чэрчитинэн, биһиги Атамайбытыгар сүрүн харыйабыт уота араас өҥүнэн күлүмүрдүү оонньоото!

Бу дьоро киэһээ Тымныы Оҕонньор, сиэнэ кыыс Хаарчаана уонна сыл бэлиэлэрэ: мэникчээн Куобахчаан, муударай Моҕой, сымса Баабыр, улахан Дракон итиэннэ 2026 сыл бэлиэтэ — Уот кыһыл Ат дьону-сэргэни оонньоттулар, көрү көҕүлүттэн туттулар. «Дьиктини көрдөөһүн» ураты тэрээһини, остуоруйаҕа ыалдьыттатыыны оҕолор улаханнык астыннылар. Нэһилиэк баһылыга Айсен Павлов мустубут дьоҥҥо-сэргэҕэ истиҥ эҕэрдэтин тиэртэ уонна оҕолору минньигэс мороженайдарынан күндүлээтэ.

Атамай дьоно-сэргэтэ саҥа сылы үтүө түмүктэрдээх көрсөр уонна үлэни-хамнаһы өссө күүһүрдэр баҕалаахтарын биллэрдилэр.

Анна Дмитриева,

Атамай, Горнай.

Хаартыскаларга Розалия Габышева түһэриитэ