Р.Томская ыытта
Бу күннэргэ Дьокуускайга Саха сирин табаһыттарын IV сийиэһин чэрчитинэн араас тэрээһиннэр ыытылла тураллар.
Табаһыттары хааччыйааччыларынан олохтоох иистэнэр сыахтар буолаллар.
Ол курдук, таба иитиитинэн дьарыктанар Өлөөн улууһун Харыйалааҕар эбэни өҥөйө кэриэтэ иистэнэр сыах дьиэтэ турар. Бу сыаҕы Розалия Томская бэрт сатабыллаахтык салайар.
Харыйалаах иистэнньэҥнэрэ “Өлөөн“ МУП табаһыттарыгар ичигэс таҥаһы тигэллэр, нэһилиэнньэ сакааһынан эмиэ үлэлииллэр. Дьиэлэрэ киэҥ-куоҥ буолан, манна таба тириитин имитэргэ-таҥастыырга сөптөөх усулуобуйа тэриллибит.
Татьяна Филипповна Христофорова муостаҕа тириитин тэлгэтэн олорон үлэлиир идэлээх. Кини сатаабатаҕа диэн суох. Тириини хайдах курдук имитэрин көрүө этигит. Кристина Васильевна Бургай быйылгы үлэлэрэ хайа баҕарар көрөөччүнү кэрэхсэтиэн сөп. Аны билигин тирииттэн эр киһи сэлиэччигин тигэр. Татьяна Степановна Семенова тигэр балаакката хайа да баабырыка тигиитинээҕэр ордук. Табаһыттары, булчуттары тыалтан, ардахтан-хаартан көмүскүүр, бөҕө-таҕа, эрэллээх.
— Билигин тирииттэн кээнчэлэри бэлэмнээтибит. Тыс туттарбыттара, ону хатаран, имитэн тигиэхпит”, — диир иистэнэр мастарыскыай сэбиэдиссэйэ, холку бэйэлээх Розалия Томская.
Хаартыскалары: Р.Томская ыытта
Алдан оройуонунааҕы борокуратуура оҕоҕо ыттар саба түспүттэрин туһунан иһитиннэриинэн бэрэбиэркэ ыытар. Бу туһунан СӨ Борокуратуурата…
Бүгүн Муома улууһун Хонуу бөһүөлэгэр үөрүүлээх түгэн тосхойдо. Арктикаҕа онус атыы-эргиэн, логистика киинэ аһылынна. Ил…
Кэбээйи оройуонун борокуратуурата Сангаар бөһүөлэгин олохтооҕор холуобунай дьыаланы тэрийдэ. Ийэ буолуохсут кыра уолун сордуура-муҥнуура биллибит. …
Кулун тутар 19 күнүгэр «МУУС УСТАР» ыччат бэстибээлин чэрчитинэн, "Факел" спортивнай комплекска кыттааччылар Арассыыйа Дьоруойдара…
Билим уонна үрдүк үөрэх министиэристибэтэ 2025-2026 үөрэх дьылыгар үрдүк үөрэххэ туттарсарга ирдэнэр биир кэлим эксээмэн…
Ил Дархан Айсен Николаев ыйааҕынан, Муоматааҕы киин балыыһаҕа норуот хаһаайыстыбатын үтүөлээх үлэһитэ, тыа хаһаайыстыбатын уонна…