Р.Томская ыытта
Х.А. Христофоров аатынан Харыйалаах орто оскуолатын дириэктэрэ Васильев Христофор Павловичка иистэнэр мастарыскыай үлэһиттэрин ааттарыттан махтанабын.
Ил Түмэн норуодунай дьокутаата Елена Христофоровна Голомареваны кытта көрсүһүү кэнниттэн, сыахха тиийэн туох наадатын, баарын-суоҕун туһунан кэпсэтии буолбута. Онно үлэһиттэр саамай туттар тэриллэрэ — тирии соҥуйар станок, олорон иистэнэллэригэр кылгас атахтаах олоппостор эргэрэн, туһаларыттан тахсыбытын туһунан үөрэнээччилэр, оробуочайдар оҥорон биэрэллэрэ буоллар диэн дьокутаат быһыытынан этии киллэрбитим. Ону улгумнук ылынан, мастарыскыай үлэһиттэригэр оҥорон туттардылар. Онон үлэһиттэргэ улахан көдьүүстээх көмө буолла. Маны тэҥэ үөрэнээччилэр волонтер быһыытынан кэлэн, сарай хаарын түһэрдилэр диэн мастарыскыай салайааччыта Роза Томская үөрүүтэ улахан. Ол курдук, 11 кылаас уолаттара Левин Сандал, Иванов Дьулус, кылаас салайааччыта Тимофеева Декабрина Алексеевна кыргыттарыныын сылга биирдэ куруук көмөлөһөллөр.
— Бу иннинэ олохтоох дьаһалта эмиэ тирии соҥуйар станок, тыс имитэр, тэнитэр ыскамыайка оҥорон туттарбыттара. Маннык бэйэ-бэйэҕэ хардарыта көмөлөсүһүү баар эрэ буоллаҕына кытаанах, ыарахан үлэни оҥоро сылдьар имииһиттэр үлэлэрэ таһаарыылаах буолуоҕа, — диэтэ Роза Ивановна.
Онон Дьокуускайга ыытыллыбыт Табаһыттар өрөспүүбүлүкэтээҕи сийиэстэрин кэнниттэн таба иитиитин салаатыгар көмөлөһөр иистэнньэҥнэр сыахтарыгар көмөлөспүттэрэ олус үчүгэй.
Надежда Колодезникова, Өлөөн.
Сахабыт сиригэр тохсунньу томороон тымныыта сатыылаан турдаҕына, Куорунай улууһун ытык кырдьаҕас олохтооҕо, тыыл, үлэ бэтэрээнэ…
Ааспыт сууккаҕа Мииринэй улууһугар киһи эчэйиилээх баһаар таҕыста. Бу туһунан ЫБММ Саха сиринээҕи салаатын пресс-сулууспата…
Ааспыт сууккаҕа Саха сиригэр буруйу оҥоруу аҕыс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Нам улууһугар көҥүл тустууга норуоттар икки ардыларынааҕы успуорт маастара Иннокентий Николаевич Зырянов кэриэһигэр ыытыллыбыт 2011-2013…
Бүгүн, олунньу 4 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, Дьокуускайга күн устата…