Өлөөн улууһун Харыйалааҕар эбэни өҥөйөн кэриэтэ сыыр үрдүгэр турар иистэнэр мастарыскыайга кыһыннары-сайыннары үлэ тохтообот. Этэргэ дылы, “тирии таҥас баабырыката”. Мастарыскыай үлэһиттэрин Розалия Томская салайар.
Бу быыстапкаҕа эрэ көрүөххэ сөптөөх таҥастары ааспыт сылларга тикпиттэрэ. Билигин кыстыкка киириинэн табаһыттарга анал таҥаһы тигэллэр. Ол курдук, күнү быһа таһырдьаттан киирбэт табаһыттарга этэрбэстэри тигэн абырыыллар.
— Үлэһит, имииһит Татьяна Филипповна Христофорова тирии имитэр, алдьаммыт сирин абырахтыыр. Оттон Татьяна Степановна Семенова дьон бэйэлэрин тыстарынан эр киһи бачыыҥкатын тиктэрэ биэрбиттэрин тигэ олорор. Бургай Кристина Васильевна этэрбэс уллуҥар анаан иистэнэр. Бэйэм хатарыллыбыт тыһы наардыыбын, — диир сэбиэдиссэй.
Бу мастарыскыайга Харыйалаахха үлэлиир чөлүгэр түһэрэр кииҥҥэ сынньана сылдьааччылар кэлэн эмиэ бэйэлэригэр наадалааҕы тиктэллэр эбит. Ол курдук, Өлөөн сэл. кэлбит Наталья Иннокентьевна Иванова, Галина Васильевна Сергеева уо.д.а.манна кэлэн тирии имитэллэр, кээнчэ да тиктэллэр.
Онон мастарыскыай талба талааннаахтар түмсэр кииннэригэр кубулуйда.
Хаартыскалары: Р.Томская ыытта.
СӨ Үлэҕэ уонна социальнай сайдыыга министиэристибэтэ оҕолоох ыалларга төлөбүр иэһин сабыыга киирбит үбүнэн, 2025 сыл…
Аан дойдуга аатырбыт бешамель тума оҥоһуллуута биһиги саламааппытыгар маарынныыр. Бу тума аһы олус тупсарар. Үгүс…
Түөкүттэр саҥаттан саҥа албастары толкуйдаан, дьонтон харчы ыга үктээн ылыылара күннэтэ тахса турар. Билигин аны…
СӨ Судаарыстыбаннай Мунньаҕа (Ил Түмэн) өрөспүүбүлүкэ Төрүт Сокуонун балаһыанньаларын Россия сокуоннарыгар сөп түбэһиннэрэргэ туһуламмыт уларытыылары…
Социальнай ситимнэргэ уонна мессенджердэргэ Арассыыйа Федерациятын сиригэр-уотугар аҕыйах күҥҥэ интэриниэт ситимэ арахсарын туһунан РФ Цифровой…
Ааспыт ыйга Дьокуускайга сатыы хааман иһэр киһини түҥнэри көтөннөр, эмсэҕэлээбит дьахтар балыыһаҕа киирэн тыына быстыбыта.…