Харыйалаах выпускниктара көмөлөстүлэр

Өлөөн улууһун Кирбэй нэһилиэгин дьаһалтата араас өрүттээх тэрээһиннэри ыытар.

Нэһилиэк өрөспүүбүлүкэтээҕи «Чөл нэһилиэк» бырайыакка кыттар. Онон былаан торумнанан, сыл устата араас үлэлэри ыыттылар.
Ол курдук, түөлбэлэр, дьахталлар, выпускниктар икки ардыларыгар спартакиада сэҥээриини ылбыта. «Бакалдын» национальнай бырааһынньык чэрчитинэн многоборьеҕа күрэхтэһии эмиэ буолбута.

Национальнай нэһилиэк дьаһалтатын баһылыгын солбуйааччы Марианна Егорова этэринэн, выпускниктар икки ардыларыгар ыытыллыбыт кэмиэрчэскэй спартакиадаҕа 71000 харчы хомуллубут. Ону ,байыаннай дьайыы кыттыылаахтарын улуустааҕы пуондатыгар туттарбыттар.

Хаартыскаларга М.Егорова түһэриитэ