Харыйалаахха эдэр уол доруобуйатын улаханнык эчэттилэр

Саха сиригэр ааспыт сууккаҕа аҕыс буруйу оҥоруу буолла диэн СӨ борокуратуурата иһитиннэрэр.

Өлөөн улууһун Харыйалаах нэһилиэгэр 2000 с.т. эр киһи доруобуйатын улаханнык эчэппиттэр.

Нерюнгрига 1986 с.т. эр киһини быһаҕынан анньаннар, балыыһаҕа киирдэ. Уорбаланааччыны быһаардылар.

Дьокуускайга түөкүттэр үлэтэ суох киһиттэн 600 тыһ.солк. суйдаан ылбыттар. Итиэннэ киин куоракка «Хонда-Аккорд» массыынаны уорбуттар, арыгы иһэн баран иккистээн уруулга олорбут киһини туппуттар.

Мэҥэ Хаҥаласка наркотигынан эргиммиттэрэ биллибит.

Мииринэйгэ 12 кыбартыыралаах дьиэ баһаарыгар икки киһи тыына быстыбыт.

Киһи өлүүлээх суол саахала бэлиэтэммэтэх.

Суукка иһигэр сэттэ итирик суппары туппуттар.