Харыйалаахха күн-дьыл хайдаҕый?

Өлөөн улууһун кэрэ айылҕалаах Харыйалаах нэһилиэгэр бүгүн хайдах күн-дьыл турбутун сурастыбыт.

“Саха сирэ” хаһыат саайтыгар анаан Надежда Павловна Колодезникова маннык кэпсээтэ:

— Быйыл Өлөөн улууһугар күһүммүт өр турда. Эбэбит күн бүгүҥҥэ диэри өссө да тоҥо илик. Халыҥ кыдьымахтар усталлар. Оттон күөл мууһа хайы-сах тоҥон, 5-10 см буолбут. Онон бу күннэргэ Харыйалаах олохтоохторо муус ылаары бэлэмнэнэллэр. Муустарын күрдьэн, хаарын ыраастаан халыҥата сылдьаллар.  Хаарбыт дэриэбинэ иһигэр халыҥ, оттон тыаҕа таҕыстахха төттөрүтүн чараас курдук.

Хаартыска: Н.П.Колодезникова түһэриитэ