Харыйалаахха дьиэлэр бары киин ититэр ситимҥэ. холбоммуттар. Хаартыска ааптар түһэриитэ
Бүгүн СӨ Бырабыыталыстыбатын 2022 сыллааҕы үлэтин отчуота Өлөөн эбэҥки национальнай улууһун Кирбэй национальнай нэһилиэгэр ыытыллар. Бөлөҕү СӨ Култуура уонна история нэһилиэстибэтин эбийиэктэрин харыстааһыҥҥа департамент салайааччыта Н.А.Макаров салайар.
2022 сыл түмүгүнэн Өлөөн улууһун нэһилиэктэрин ортотугар Кирбэй национальнай нэһилиэгэ бастыҥ нэһилиэгинэн ааттанан, сэртипикээти туппута.
Харыйалаах сэлиэнньэтэ уруккута “Өлөөн” сопхуос киин уһаайбата этэ. Бүгүн бу нэһилиэккэ 864 киһи олорор. Билигин манна “Өлөөннөөҕү” МУП (А.П.Егоров) бэрт таһаарыылаахтык үлэлиир. Ол курдук, таба иитиитигэр тугут тыыннаах тахсыытыгар бастыҥынан ааттаммыт. Онуоха эдэр табаһыттар уонна кинилэр настаабынньыктарын өҥөлөрө улахан.
Сайдар-үүнэр Харыйалаахха арочнай успуорт саалата тутулла турар, акылаата түспүтэ. Быйыл үлэҕэ киириэхтээх. Ону тэҥэ хаарбах дьиэттэн көһөрүү федеральнай бырагырааматынан 2 этээстээх, 12 кыбартыыралаах икки таас дьиэ тутуллара былааннаммыт. Быйыл үлэтэ саҕаланан, эһиил үлэҕэ киириэ диэн эрэннэрэллэр. Онон тендер ыытыллан, бэдэрээтчит биллибит. Улуус дьаһалтата тутууну ыытыыга улахан болҕомтотун уурар.
— Улуус атын нэһилиэктэригэр тэҥнээтэххэ, нэһилиэнньэбит ахсаанын тутан олоробут, кыра кыралаан эбиллии баар. Биһиги нэһилиэкпит 100 бырыһыан киин ититиигэ холбонон олоробут. Кыстыгы этэҥҥэ туоруохпут диэн эрэнэбит. Ыччат уонна үгүс эр киһи “Анаабыр алмаастара” хампаанньаҕа баахтанан үлэлиир буоллулар. Онон нэһилиэнньэ үлэнэн хааччыллыытыгар эмиэ көмөлөөх диэххэ сөп, — диэтэ нэһилиэк баһылыга Владислав Николаев.
Бүгүн, олунньу 11 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Олунньу саҕаланыытыгар Күҥҥэ кэнники сылларга буолбатах күүстээх эстиилэр бэлиэтэннилэр. Учуонайдар хас да улахан эстии туһунан…
Саха сиринээҕи УГМС саайтын сабаҕалааһынынан, бүгүн, олунньу 11 күнүгэр, өрөспүүбүлүкэҕэ кыралаан хаардыыр, оттон арҕаа өттүгэр…
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…