Н.Колодезникова
Соторутааҕыта Кирбэй нэһилиэгэр сэргэх көрсүһүү буолла, Анаабыр, Булуҥ, Кэбээйи, Эдьигээн, Өлөөн улуустарын дьокутаата Елена Христофоровна Голомарева, Александр Владимирович Сусоев быыбардааччыларын кытта көрүстүлэр.
Ол курдук, Елена Христофоровна хас кэллэҕин аайы олохтоохтор мунаарар боппуруостарыгар хоруйдуур, ханна сурук бэлэмнииргэ сүбэлиир-амалыыр. Кини Судаарыстыбаннай Дуумаҕа тиийэ туруорсар Ил Түмэн уоппуттаах дьокутааттарыттан биирдэстэринэн буолар.
Кини көһө сылдьыбыт эбэҥки норуотун сыдьаана буолан, элбэхтик айанныыр, сылайарын билбэккэ барар-кэлэр, атын улуустар олохторун, үлэлэрин-хамнастарын ыкса билсэр. Дьону кытта элбэхтик кэпсэтэрин сөбүлүүллэр. Арктика кытыытыгар олохтоох дьон-сэргэ күннээҕи тирээн турар кыһалҕаларын быһаарсарга нэһилиэнньэни кытта кэпсэттэххэ үлэ көдьүүстээх буолар.
Кирбэй нэһилиэгин олохтоохторун кытта көрсүһүүгэ боппуруостары биэрдилэр уонна кэпсэтиигэ кытыннылар бэтэрээннэр Клара Кириллова, Ольга Васильева, Надежда Колодезникова, Харыйалаах уһуйаанын сэбиэдиссэйэ Христофор Васильев, нэһилиэк дьокутааттарын сэбиэтин бэрэссэдээтэлэ Сергей Тимофеев ыйытыылары биэрдилэр, тыл эттилэр. Елена Христофоровна эдэр дьокутааты Александр Сусоевы кытта бииргэ үлэлээннэр, биһиги күннээҕи олохпутун өйдөөн элбэҕи ситиһиэхтэрэ диэн эрэнэбит.
Көрсүһүү кэнниттэн “Өлөөн” МУТ иистэнэр сыаҕар сылдьан үлэни-хамнаһы билистэ. Бу табаһыттарга, олохтоох нэһилиэнньэҕэ суолталаах тэрилтэ ыһыллыы-тоҕуллуу сылларыгар тохтоон хаалбакка, билиҥҥэ диэри үлэлииригэр Розалия Ивановна Томскаяҕа, эдэр иистэнньэҥнэргэ, салайааччыларга махтанна.
Надежда Колодезникова, Өлөөн
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…
Халлаан сылыйан оҕолор кыралаан былаһааккаларга оонньуур, салгын сиир буоллулар. Хаар ууллуута уһун кыһын устата тоҥон…
Олунньу 1 күнэ – дьыл (кыһын) оройо. Күһүҥҥү Бокуруоптан 110 хонук, оттон сааскы Ньукуолуҥҥа диэри…