Харыйалаахха успуорт былаһаакката тутулунна

Үөһээ Бүлүү улууһугар Харыйалаахха 150 миэстэлээх успорт былаһааккатын тутан бүтэрдилэр.

Саҥа эбийиэк тыа сирин олохтоохторугар уонна ыаллыы сытар нэһилиэнньэлээх пууннарга физкултууранан, успуордунан дьарыктанар кииннэринэн буолуоҕа диэн СӨ тутууга министиэристибэтин пресс-сулууспата иһитиннэрэр.

Былаһаакканы тутуу «Тыа сирин кэлимник сайыннарыы» судаарыстыбаннай бырагыраама чэрчитинэн, «СӨ судаарыстыбаннай сакаасчытын сулууспата» ГКУ хонтуруолунан ыытыллыбыт. Генеральнай бэдэрээччитинэн «Строймонтажкомплект» ХЭУо буолар.

Былаһааккаҕа успуорт хас да көрүҥүнэн дьарыктаныахха сөп. Манна футболлуур сирдээхтэр, баскетболлуур, волейболлуур былаһааккалаахтар, сүүрэр ыллыктаахтар, воркаут зоната баар.

Хаартыска СӨ тутууга министиэристибэтин саайтыттан.