САҤА ДЬЫЛЫ КӨРСӨ: ХАРЫЙАМ БЭЛЭҔЭ

Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө «Харыйам бэлэҕэ» диэн саҥа ырыаны ыытта.

Ариан Федоров 2022 сыллаахха Туймаада ыһыаҕын кэмигэр “Саха сирэ” хаһыат эрэдээксийэтэ уонна “Сахамедиа” холдинг тэрийэн ыыппыт “Ыллыыр Саха сирэ” диэн ырыа күрэһин кыайыылааҕынан буолбута. Кини эҕэрдэтин тиэртэ:

— Сахам сирин олохтоохторун, ытык-мааны ыалдьыттарын кэлэн иһэр саргылаах Саҥа 2026 — Айыы оҕото Дьөһөгөй сылынан итиитик- истиҥник эҕэрдэлиибин! Саҥа сыл эһиэхэ хас биирдиигитигэр, дьиэ кэргэттэргитигэр истиҥ сыһыаны, үөрүүнү-көтүүнү аҕаллын. Чэгиэн доруобуйаны, бигэ туругу, дьолу-соргуну, үгүс үөрүүнү уонна үтүө дьыалаҕытыгар, саҕалааһыннаргытыгар ситиһиилэри баҕарабын!

«Харыйам бэлэҕэ» 

Туола Тарбыанап тыллара, Ариан Федоров матыыба, Василий Татаринов — Хоту Уолан аранжировката. 
Куолаһы устуу — Василий Иванов. Ариан Федоров толоруута.

«Ыллыыр Саха сирэ» ырыа куонкуруһун туһунан манна ааҕыаххытын сөп: https://edersaas.ru/tujmaada-y-ya-ar-saha-sire-ha-yat-yrya-k-re-in-yytta/