Судаарыстыбыннай Дуума дьокутаата, “Биир ньыгыл Арассыыйа” фракциятын чилиэнэ Галина Данчикова «Харысхал» аһымал пуонда айар мастарыскыайыгар сырытта. Бу мастарыскыайга доруобуйаларыгар хааччахтаах оҕолор социальнай реабилитацияны бараллар. Галина Иннокентьевна дьарыкка кэлэр оҕолору кытта кэпсэттэ, хайдах үөрэнэллэрин, тугу интэриэһиргииллэрин туоһуласта. Оҕолор дьокутааты кытта ирэ-хоро сэлэстилэр.
Керамиканы оҥорорго үөрэтэр, глинотерапевт Галина Коротова дьарыгар оҕолор нэдиэлэҕэ үстэ төрөппүттэрин кытта кэлэн үөрэнэллэр. Бастыҥ оҥоһуктары онлайн-маҕаһыыҥҥа атыылаан үп киллэрэллэр эбит. Бу үп матырыйааллары атыылаһарга, өйөбүлү ирдиир оҕолору кытта үлэҕэ барар. «Харысхал» салайааччыта Любовь Клюкина этэринэн, туойу кытта үлэни оҕолор олуһун сөбүлүүллэр, бу дьарык кинилэр сайдыыларыгар олус көдьүүстээх эбит. Дьарык Дьокуускайга баар СМАРТ-бибилэтиэкэ дьоҕус хоһугар ыытыллар буолан, биир кэмҥэ 7-8 эрэ оҕо дьарыктанар кыахтаах. Ону кытта керамиканы уотунан сиэтэргэ туспа көҥүллээх хос ирдэнэр, бу усулуобуйаҕа сөп түбэһэр уустук.
Галина Данчикова «Харысхал» үлэтин биһирээтэ. “Маннык дьарык оҕолор алтыһар дьоҕурдарын, хамаандаҕа үлэни сайыннарар, “Харысхал” тэрийбит дьарыга доруобуйа өттүнэн хааччахтаах оҕолорго олус туһалаах”, — диэн дьокутаат этэр.
Саха сиригэр мууска түспүт табаны быыһаатылар. Бу туһунан @sakhahunter телеграм-ханаал иһитиннэрэр. Трасса кытыытыгар көлүччэҕэ таба…
Быйыл биллэр хаһаайыстыбанньык, бэлитиичэскэй, судаарыстыбаннай, научнай, уопсастыбаннай диэйэтэл Лазарь Степанович Филиппов 85 сааһын туолла. Сүдү…
Үс сыл аннараа өттүгэр култуура салалтатын, нэһилиэк дьаһалтатын көҕүлээһинэн саҕыллан тахсыбыт "Оһуор үҥкүүтүн уруйдуубут!" тэрээһин…
Норуот суруйааччыта Наталья Михалева-Сайа алгыстаах сааһын «Барыта баар этэ...» диэн ымыылаах ырыа киэһэтинэн бэлиэтээри бэлэмнэнэр.…
Өрөспүүбүлүкэ бары храмнарыгар Пасхатааҕы сулууспалар буоллулар. Бу сырдык бырааһынньыгы көрсө Ил Дархан Айсен Николаев Преображенскай…
Өлүөнэ өрүскэ муус сүрүннээн өрөспүүбүлүкэ иһинэн Ленскэй оройуонунан уонна Иркутскай уобалас Киренскэй уобалаһынан устар. Бүгүн…