«Харысхал» пуонда бырайыага бастыҥынан ааттанна
![](https://sakha-sire.ru/wp-content/uploads/2023/11/21e54a461053c509a26b90e35ba09461e54d6484-1060x596.jpeg)
«Харысхал» аһымал пуонда «Мастерская Харысхал» диэн бырайыага Москваҕа «Сообщество» пуорумҥа бастыҥынан ааттанна. Кыайыылаҕы уопсай куоластааһын нөҥүө быһаардылар. Сэтинньи 3 күнүгэр «Харысхал» пуонда салайааччыта Любовь Клюкина баран, наҕарааданы тутта.
![](https://sakha-sire.ru/wp-content/uploads/2023/11/4ff71ca41ac0e22207cfb57c31ff1b522412dbd3.jpeg)
Бу тэрээһини ыытааччылар Родион Газманов уонна Светлана Зейналова «Мастерская Харысхал» бырайыак 5 тыһыынчаттан тахса куолаһы ылбытын бэлиэтээтилэр.
Любовь Клюкина «Харысхал» пуонда хамаандатыгар уонна доруобуйаларыгар хааччахтаах оҕолоох төрөппүттэригэр махтанна. Кинилэр дьиэ кэргэттэриттэн ордон, уопсастыбаннай үлэнэн дьарыктаналлар, «Харысхал» пуонда бары тэрээһиннэрин өйүүллэр. Оттон «Мастерская Харысхал» бырайыак Владимир Потанин пуондатын гранынан өйөбүлүнэн олоххо киирэр кыахтаммыт.
Бу бырайыак чэрчитинэн, инбэлиит оҕолор уонна кинилэр төрөппүттэрэ социальнай реабилитация баралларыгар туһуламмыт мастарыскыай үлэлиир. Онно оҕолор, төрөппүттэр туойунан оҥоһуктары оҥороллор уонна иистэнэргэ үөрэнэллэр.
Сообщить об опечатке
Текст, который будет отправлен нашим редакторам: