Хаартыска: sakhagov.ru
«Харысхал» Аҕа дойдуну көмүскээччилэр дьиэ кэргэттэрин кэмитиэтин Сунтаардааҕы салаата сыл түмүгүн таһаарда. Отчуоттуур тэрээһин 100-тэн тахса кыттааччыны муста, ол иһигэр Ньурба, Үөһээ Бүлүү, Бүлүү, Үөһээ Бүлүү, Мииринэй улуустарыттан ыалдьыттар кэллилэр.
Филиал сүрүннээччилэрэ Надежда Львова уонна Жанна Макарова сыллааҕы үлэ түмүгүн билиһиннэрдилэр. Сыл түмүгүнэн, Бүлүү бөлөх волонтердарын ассоциацияларын алтыһыылара бөҕөргөөбүт, үлэ саҥа көрүҥнэрэ киирбиттэр уонна олохтоохтор күүстэрин түмпүттэр.
Тэрээһин чэрчитинэн, маастар-кылаастар, презентациялар, быыстапкалар ыытылыннылар. Кыттааччылар анал байыаннай дьайыыга кыттар байыаннай сулууспалаахтарга наадалаах маллары тигиини уонна ыытыыны тэрийии туһунан кэпсэттилэр. Зинаида Иванова харысхаллары оҥорууга маастар-кылаас ыытта.
«Биһиги хас биирдии дьаһалбыт билигин ытык иэстэрин толоро сылдьар дьоҥҥо өйөбүл буолар. Туох кыахпыт баарынан оҥоро сатыыбыт», — диэтэ филиал сүрүннээччитэ Надежда Львова.
Анал байыаннай дьайыы кыттыылаахтарын кэргэттэригэр аналлаах хаартыска быыстапката эмиэ тэрилиннэ. Тэрээһин түмүгүнэн, хамыыһыйа дьаһалларыгар кыттыбыт волонтердарга махтал суруктары туттардылар.
“Үлэ салҕанан бара турар, дьиэ кэргэттэр уонна волонтер тэрилтэлэр икки ардыларыгар сибээһи тута сатыыбыт. Маннык көрсүһүүлэр уопуту атастаһыыга, инники хардыылары ырытыыга көмөлөһөллөр”, — диэн Жанна Макарова эбэн эттэ.
Сунтаардааҕы салаа түмүгү таһаарыы сыллааҕы ситиһиилэри систиэмэлииргэ уонна салгыы үлэ хайысхаларын быһаарарга кыах биэрэрин бэлиэтээтэ.
Бу күн куйаар энергията чаҕылхай Хахай бэлиэтигэр киирэр, ол иһин барыбытыгар күүс-уох, бэйэни көрдөрүүгэ баҕа,…
Бүгүн – Ылдьыын күнэ. Бу күн эһэлэрбит, эбэлэрбит хортуоппуйдарын амсайаллара, хостонуор диэри өссө төһө улаатыан…
Бүгүн, атырдьах ыйын 2 күнүгэр, Саха сирин сорох улуустарыгар этиҥнээх ардах түһэрэ, тыалырара, итиэннэ +28…
От ыйын 31 күнүгэр сарсыарда 8 чаас саҕана «Нам» айан суол 10-с биэрэстэтигэр массыыналар харсыһыыларынан…
Аллайыахаҕа хайдах күн-дьыл буолбутун туһунан Чокуурдаах олохтооҕо Иван Иванов маннык суруйда: -- Биһиэхэ сайыммыт бүттэ.…
Бу күннэргэ анал байыаннай дьайыы зонатыгар гуманитарнай сырыыларынан Үөһээ Бүлүү улууһун дэлэгээссийэтэ Запорожскай уобаласка биир…