Ил Дархан Айсен Николаев СӨ Судаарыстыбаннай Мунньаҕар Анал этиитигэр доруобуйа харыстабылын боппуруостарыгар тохтоото.
Өрөспүүбүлүкэтээҕи 3 №-дээх килиниичэскэй балыыһа мэдиссиинискэй сэрэтиигэ кэбиниэтин терапевт-бырааһа Арина Ариановна Давыдова Ил Дархан этиитигэр олоҕуран санаатын үллэһиннэ:
— Доруобуйа харыстабыла хас биирдии киһиэхэ табыгастаах буолара -– нэһилиэнньэ уйгутугар төрүөтү уурар чахчы. Уйгулаах олох нэһилиэнньэ доруобуйата бөҕөргүүрүгэр сүрүн оруолу ылар, мэдиссиинискэй өҥөлөр табыгастаахтара үгүс социальнай кыһалҕаны быһаарар көрдөрүүнэн буолаллар.
Ыарыыны эрдэттэн быһаарыы уонна хаачыстыбалаахтык эмтээһин доруобуйаҕа тэҥэ суох быһыы таһымын аҕыйатарга сабыдыаллыыр. Ол, биллэн турар, дьадайыы аҕыйыырыгар дьайар, социальнай араастаһыы намтыырыгар көмөлөһөр, уопсастыба социальнай интеграциятын өйүүр. Арассыыйа хас биирдии киһитэ доруобай буолар бырааптаах, ол быраап быраастар, балыыһалар салайааччыларын уонна доруобуйа харыстабылын тэрийээччилэрин көмөлөрүнэн толору туолар.
Саха Өрөспүүбүлүкэтигэр үлэ бу тускула (мэдиссиинискэй көмө табыгастаах буолара) килиимэт тыйыс усулуобуйатынан, нэһилиэнньэлээх пууннарга тиийэр ыараханынан уонна онно олорор усулуобуйанан сибээстээн, дьоһун суолталаах. Оройуоннааҕы киин балыыһалар Саха Өрөспүүбүлүкэтин хас биирдии киһитин доруобуйатын инники күөҥҥэ туталлар, онуоха тыа сирин мэдиссиинэтин бүтүн систиэмэтэ оҥоһуллар (аныгы тэриллэринэн сэбилэммит биэлсэр пууннара, биэлсэр-акушер пууннара, балыыһалар салаалара, үчүгэйдик оҥоһуллубут маршрут, санитарнай авиация уо.д.а.).
«Өрөспүүбүлүкэҕэ биллэр-көстөр, уһулуччулаах дьон бары тыа сириттэн тахсаллар» диэн өйдөбүл баар буоллаҕына, «Үтүө үлэһит дьон…
Бу күннэргэ күн-дьыл туруга хайдаҕый? Саха сирин хоту, соҕуруу, соҕуруулуу-арҕаа, соҕуруулуу-илин диэки өттүгэр сорох сиринэн…
Бүгүн Ый Оҕус бэлиэтигэр сылдьар. Ол аата – биһиги бары бигэ туруктаах, эрэллээх буолууну баҕарабыт.…
Дьокуускай куорат полициятын 3-с нүөмэрдээх салаатын учаастактааҕы боломуочунайдара Уус Алдан улууһуттан төрүттээх, урут сууттана сылдьыбыт…
Сахалар төрүт итэҕэлбитинэн, таҥха кэмигэр чуумпутук, сэмэйдик сылдьыахтаахпыт. Ол эрээри, тугу гыныахтаахпытын сиһилии билбэппит. Таҥха…
Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта…