Хас биирдии үөрэнээччигэ — 15 тыһыынча солкуобайы
28.11.2023, 17:00
Хаартыска: Мария Васильева (СИА)
Бөлөххө киир:
Госдуумаҕа үөрэх дьылын саҕаланыыта 6-18 саастаах, оскуолаҕа үөрэнэр оҕолоох төрөппүккэ 15 тыһыынча солкуобайы биэрэр туһунан сокуон барылын киллэрдилэр. Бу сыллааҕы төлөбүр хас биирдии үөрэнээччигэ төлөнөр, төрөппүттэртэн биирдэстэригэр бэриллэр диэн сокуон барылыгар этиллэр.
Бу бырайыагы Ленинградскай уобалас сокуону оҥорор мунньаҕа (парламена) көҕүлээн киллэрдэ диэн «РИА Новости» суруйар.
«Оҕону оскуолаҕа бэлэмнииргэ көмөлөһөр сыалтан, төрөппүттэртэн биирдэстэригэр (оҕону иитэ ылбыт төрөппүккэ, эппэкииҥҥэ, попечительгэ) үөрэх дьылын саҕаланыыта 15 тыһыынча солкуобайы бэриллиэхтээх. Оҕо РФ гражданина буолуохтаах уонна балаҕан ыйын 1 күнүгэр 6 сааһын туолбут уонна оскуолаҕа киирбит буолуохтаах«, — диэн сокуон барылыгар этиллэр.
Манна даҕатан эттэххэ, бу төлөбүр ый аайы буолбакка, сылга биирдэ төлөнөр. Сыл аайы олунньуга индексацияланан, үрдээн иһиэхтээх диэн дьокутааттар туруорсаллар.
+1
87
+1
5
+1
1
+1
3
+1
2
+1
1
+1
1
Сообщить об опечатке
Текст, который будет отправлен нашим редакторам: