Хас да нэһилиэккэ быыбардааччылар 100 % куоластаатылар

Чурапчы, Уус Алдан,  Горнай уонна да атын улуустар нэһилиэктэригэр быыбардааччылар сүүс бырыһыан куоластаатылар. Онон, маннык көхтөөхтүк кыттан, үрдүк гражданскай эппиэтинэстээхтэрин  көрдөрөллөр диэн эспиэртэр этэллэр.

«Быыбарга бырааһынньыкка курдук күргүөмүнэн — дьиэ кэргэнинэн, оҕолорун илдьэ кэлэн кытыннылар.  Тас дойдулартан быыбарга кэлбит кэтээн көрөөччүлэр  куоластааһыҥҥа кыттарбытын сөҕө-махтайа көрөллөр.  Омук суруналыыстары маны сөҕө, соһуйа көрөллөрр», — диэн Норуоттар икки ардыларынааҕы аныгы судаарыстыба институтун дириэктэрэ  Алексей Мартынов этэр.

Эспиэр Уһук Илиҥҥэ быыбарга кыттааһын  сөҕүмэрин бэлиэтиир.  Алексей  Мартынов этиитин кытары кини кэллиэгэтэ, политическай консультант Дмитрий Денисов эмиэ сөпсөһөр.